Burun ətinin fəsadları - eşitmə zəifliyi, bronxit, astma...

Burun ətinin fəsadları - eşitmə zəifliyi, bronxit, astma...
06 May 2019 09:55

Burun əti - adenoid ilə bağlı problemlər əsasən uşaqlarda rast gəlinir. 1-2 yaşından etibarən həddi-buluğ yaşına çatana qədər uşaqlarda belə hallar müşahidə olunur.

Adenoid burun tənəffüsünün pozulmasına gətirib çıxarır. Əsas şikayət bundan ibarət olur. Bundan başqa, xoruldamaq, narahat və ağzıaçıq yatmaq kimi şikayətlərə də rast gəlinir. Adenoidin də dərəcələri var. Əgər uşaqlarda narahatlıq aylarla, illərlə davam edirsə, bu artıq əməliyyata göstəriş ola bilər. Biz klinikada adenotomiya əməliyyatını müasir endoskopiya üsulu ilə icra edirik. Əməliyyat təxminən yarım saat çəkir və nəticələri müsbətdir. Azərbaycanda burun ətlərinin kəsilməsi əməliyyatları kifayət qədər geniş yayılıb. Lakin bu əməliyyata barmaqarası yanaşmaq olmaz. Yalnız göstəriş olduğu halda adenoidlərin kəsilməsinə qərar vermək lazımdır.

Bu barədə AZƏRTAC-a Azərbaycan Tibb Universitetinin Tədris Cərrahiyyə Klinikasının lor cərrahiyyə şöbəsinin müdiri Murad Şıxəliyev məlumat verib.

Lor cərrah, həmçinin deyib: "Adenoidlər burun tənəffüsünü pozduğu üçün bədən kifayət qədər oksigen almır. Ağızla nəfəs aldıqdan sonra udlaq badamcıqları qıcıqlanır və onların iltihabına - tonzilitlərə gətirib çıxarır. Bu hal davamlı olarsa, bronxit, hətta astmaya da səbəb ola bilər. Bədənin konsentrasiyası kifayət qədər keyfiyyətli hava ilə nəfəs ala bilmədiyinə görə pozulur.

Burun əti adətən eşitmədə də problemlər yaradır. Çünki bu hal orta qulağın havalanmasının qarşısını alır, nəticədə təbil pərdəsinin arxasında yığılan maye axaraq kanal vasitəsilə buruna tökülə bilmir, orada qalır və bu isə eşitmə azlığına gətirib çıxarır. Nəticədə uşağın nitqində problemlərə səbəb olur.

Klinikada bu yaxınlarda "paratensentiz" adlanan əməliyyat icra edilib. Bu zaman qulaqda təbil pərdəsində dəlik açaraq onun arxasındakı maye xaric olunub. Həmin əməliyyat eşitmənin və nitq inkişafının düzəlməsinə kömək edir".

Həkim valideynlərə uşaqların tənəffüs və eşitmədəki şikayətlərinə diqqətlə yanaşmağı və vaxtında mütəxəssisə müraciət etmələrini məsləhət görür.

Realpress.az



17 May 2019
Səhiyyə - Sağlamlıq

17 May Hipertoniya ilə Ümumdünya Mübarizə günü

2006-cı ildə 17 may günü Ümumdünya Səhiyyə Təşkilatı tərəfindən arterial hipertoniya ilə mübarizə günü elan edilmişdir və bütün dünyada qeyd edilir.

17 May 2019
Səhiyyə - Sağlamlıq

İmsaq və iftarda bunları yemək sizi öldürə bilər - XƏBƏRDARLIQ

Orucluq zamanı orqanizmdə həzm sistemində və maddələr mübadiləsində vacib dəyişikliklər olur.

14 May 2019
Səhiyyə - Sağlamlıq

Soyuq və solğun ayaq ciddi xəstəliklərin əlamətidir

Ayaqlarda problemlər ciddi xəstəliklərin xəbərçisi ola bilər. Sputnik Azərbayacn xarici mətbuata istinadla xəbər verir ki, bəzi hallarda bu ürək-damar və diabetin (şəkər) əlaməti ola bilər.

13 May 2019
Səhiyyə - Sağlamlıq

Diabetin 5 erkən simptomu

Tibb mütəxəssisləri diabet xəstəliyinin beş erkən simptomunu açıqlayıb. Erkən simptomlar həyəcan doğurmasa da, onları nəzarətsiz buraxmaq olmaz.

13 May 2019
Səhiyyə - Sağlamlıq

Bunlar hətta sağlam insanın böyrəklərini sıradan çıxarda bilər!

Böyrək xəstəlikləri bütün dünyada ən yayılmış xəstəliklərdən sayılır.