Bakı Ali Neft Məktəbi ilə “Huawei” şirkəti Əməkdaşlıq Müqaviləsi imzaladı - FOTO

Bakı Ali Neft Məktəbi ilə “Huawei” şirkəti Əməkdaşlıq Müqaviləsi imzaladı - FOTO
07 May 2019 10:55

Bakı Ali Neft Məktəbi (BANM) ilə Çinin ən böyük transmilli şirkətlərindən olan "Huawei" şirkətinin Azərbaycan nümayəndəliyi arasında Əməkdaşlıq Müqaviləsi imzalanıb.

BANM-dan Realpress.az-a verilən məlumata görə, müqavilə çərçivəsində Ali Məktəbdə İKT Akademiyasının yaradılması və onun nəzdində laboratoriyanın qurulması üçün avadanlıq və proqram təminatı ödənişsiz olaraq veriləcək. İmzalanma mərasimində Çin Xalq Respublikasının Azərbaycandakı səfirliyinin Ticarət və İqtisadiyyat Məsələləri üzrə konsulu Vanq Çunqanq, səfirliyin attaşesi Ven Qohuey, "Huawei" şirkətinin Azərbaycan nümayəndəliyinin rəhbəri Lu Tsanlin, şirkətin Azərbaycan nümayəndəliyinin proqramlar üzrə meneceri Tao Civen, şirkətin Azərbaycan nümayəndəliyinin müştərilərlə iş üzrə meneceri Cong Din və Ali Məktəbin tələbələri və məsul əməkdaşları iştirak ediblər.

BANM-ın rektoru Elmar Qasımov Prezident İlham Əliyevin aprel ayında Çinə rəsmi səfəri zamanı "Huawei" şirkətinin sədri Lian Xua ilə keçirdiyi görüşə diqqət çəkərək bildirib ki, bu görüş iki dövlət arasındakı iqtisadi əlaqələrinin güclənməsi və yeni əməkdaşlıqların yaranmasına ciddi töhfə verib. Rektor Ali Məktəbdə İKT Akademiyası və laboratoriyasının yaradılması üçün "Huawei" şirkətinin dəstəyini yüksək qiymətləndirdiyini və bu əməkdaşlığın BANM-ın Proseslərin Avtomatlaşdırılması Mühəndisliyi ixtisasında təhsil alan tələbələrinin yüksək səviyyəli mütəxəssis kimi yetişməsində əvəzsiz rol oynayacağını bildirib. O qeyd edib ki, əməkdaşlıq müqaviləsinin yekunu kimi tezliklə İKT Akademiyası və laboratoriyasının açılışı olacaq və laboratoriya tələbələrin ixtiyarına veriləcək.

Çin Xalq Respublikasının Azərbaycandakı səfirliyinin Ticarət və İqdisadiyyat Məsələləri üzrə konsulu Vanq Çunqanq bildirib ki, bu cür əməkdaşlıqlar iki dövlət arasında olan münasibətləri daha da möhkəmləndirir və gələcəkdə yeni partnyorluq imkanlarının davamlı olacağına ümid edib.

"Huawei" şirkətinin Azərbaycan nümayəndəliyinin rəhbəri cənab Lu Tsanlin BANM ilə təmsil etdiyi şirkətin əməkdaşlığını yüksək qiymətləndirib və şirkətin əməkdaşlarının Azərbaycanda İKT Akademiyasının və laboratoriyasının qurulmasında iştirakından məmnunluğunu ifadə edib. O, tələbələrin avtomatika sahəsində keyfiyyətli mütəxəssis kimi yetişməsi üçün şirkət olaraq onlara hər zaman dəstək olacaqlarını bildirib və tələbələrə uğurlar arzulayıb.

BANM və "Huawei" şirkəti arasında əməkdaşlığın hüquqi əsası 23 yanvar 2019-cu il tarixində imzalanmış Anlaşma Memorandumu ilə qoyulub. Bu Memorandum BANM tələbələrinə şirkətin strukturlarında təcrübə keçmək, şirkət mütəxəssislərinin tələbələrlə öz bilik və təcrübələrini bölüşmək fürsəti yaradır.

"Huawei" şirkəti telekommunikasiya avadanlığı, elektronika, süni intellekt və texnologiyalara əsaslanan xidmət və məhsulların istehsalında ixtisaslaşmış Çinin transmilli özəl şirkətidir. "Huawei" dünyanın 170 ölkəsində öz məhsullarını istehsal edir, 1500-dən artıq şəbəkə yaradaraq dünya əhalisinin 1/3-nə xidmət edir.


18 May 2019
Elmi

"Bu rüsumlar vətəndaşın cibindən çıxarılmağa başlanacaq" - Qənirə Paşayeva - VİDEO

MM-in Dünən keçirilən plenar iclasında "Dövlət rüsumu haqqında” və “Təhsil haqqında” qanunlara dəyişiklik edilməsi ilə bağlı layihədə Təhsil müəssisələrinin akkreditasiyasının keçirilməsinə görə tutulan yüksək dövlət rüsumu dərəcələrinin nəzərdə tutulması bir çox deputat tərəfindən etirazla qarşılanıb və dəyişiklikdə 32-1 bəndin, yəni yüksək səviyyəli rüsumları özündə əks etdirən maddənin layihədən çıxarılmasını təklif ediblər.

16 May 2019
Elmi

Yaraların sağalması üçün yeni bioyapışqan hazırlanıb

Çin alimləri ultrabənövşəyi şüaların təsiri ilə donan və dərhal daxili orqanların qanaxmasını dayandıran xüsusi bioyapışqan hazırlayıblar.  

15 May 2019
Elmi

Alimlər kosmosda insanın sağlamlığına nəzarət edən datçik yaradıblar

Skoltexa və Moskva Fiziki-Texniki İnstitutunun alimləri orbitdə insanın sağlamlığına nəzarət edən kardiodatçik yaradıblar. Bu haqda "Russkiy kosmos" jurnalında dərc olunmuş məqalədə deyilir.

13 May 2019
Elmi

Bakı Ali Neft Məktəbində ikili diplomlu yeni MBA proqramı tədris ediləcək

Azərbaycanda ilk dəfə ikili diplomlu Neft və Qaz Menecmenti üzrə yeni MBA proqramı tədris ediləcək.

8 May 2019
Elmi

Mayın 12-də 32 173 abituriyent imtahan verəcək

Dövlət İmtahan Mərkəzi (DİM) mayın 12-də 2019/2020-ci tədris ili üçün Azərbaycanın ali təhsil müəssisələrinə qəbul olmaq istəyən abituriyentlər üçün I və IV ixtisas qrupları üzrə qəbul imtahanı keçirəcək.