UEFA Çempionlar Liqasının 2018-2019-cu il mövsümünün yarımfinal mərhələsinin cavab qarşılaşması keçirilib.
Realpress.az xəbər verir ki, İngiltərənin “Liverpul” klubu səfərdə İspaniyanın “Barselona” komandasına 3:0 hesabı ilə məğlub olmasına baxmayaraq cavab görüşündə istədiyi nəticəni əldə edib.
Ev sahibi matçın 7-ci dəqiqəsində Divok Oriqi ilə hesabı açıb. Növbəti qol qarşılaşmanın ikinci hissəsinin 54-cü dəqiqəsinə təsadüf edib. “Liverpul”un futbolçusu Corginio Vijnaldum hesabı 2:0 çatdırıb. Qoldan 2 dəqiqə sonra “Liverpul” hesab arasındakı fərqi üç topa çatdırıb. Bu dəfə də Corginio Vijnaldum qapıya yol tapa bilib.
Ev sahibi oyunun 79-cu dəqiqəsində katalonyalıların qapısından 4-cü topu keçirərək sessasiyaya imza atıb. Divok Oriqi hesabı 4:0 çatdıran qolu vurub. Bu nəticə ilə “Liverpul” UEFA Çempionlar Liqasının 2018-2019-ci il mövsümünün finalına vəsiqə qazanıb.
Mərhələnin ikinci yarımfinalı Hollandiyada təşkil olunacaq. “Ayaks” İngiltərənin “Tottenhem” komandasını qəbul edəcək.
Qadın şahmatçılar arasında Avropa çempionatında IV turun oyunları keçirilib.
Azərbaycanın üç boksçusu Serbiyanın paytaxtı Belqradda keçirilən Avropa çempionatının beşinci günündə çıxışını qələbə ilə başa vurub.
Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatının ikinci günündə gümüş medal qazanıb.