Hansı qidalar haram sayılır? İzah

Hansı qidalar haram sayılır? İzah
10 May 2019 09:25

Qurani-Kərimdə və Peyğəmbərin səhih hədislərində haram olması buyurulan qidalardan başqa heç bir qida haram deyildir.

Zikr az bildirir ki, Allahın halal buyurduğu qidanı haram saymaq böyük günahdır.

Uca Allah buyurur: “Dilinizin uydurduğu yalana əsasən: "Bu halaldır, o haramdır!"– deməyin, çünki Allaha qarşı yalan uydurmuş olursunuz. Şübhəsiz ki, Allaha qarşı yalan uyduranlar nicat tapmazlar” (ən-Nəhl, 116).

Uca Allah haram etdiyi qidaları təfərrüatı ilə bizə bəyan edərək buyurur: “Leş, qan, donuz əti, Allahdan başqasının adı ilə kəsilmiş, boğulmuş, döyülüb öldürülmüş, hündür bir yerdən yıxılıb gəbərmiş, buynuzlanıb öldürülmüş, yırtıcı heyvan tərəfindən parçalanıb yeyilmiş, – ölməmiş kəsdikləriniz istisnadır, – dik qoyulmuş daşlar (bütlər və s.) üzərində kəsilmiş heyvanlar və fal oxları ilə qismət axtarmanız sizə haram edildi. Bunlar günahdır...” (əl-Maidə, 3).

Həmçinin buyurur: “De: "Mənə gələn vəhylər içərisində ölü heyvan, axar qan, murdar sayılan donuz əti və Allahdan başqasının adı ilə kəsilmiş murdar heyvanlardan başqa, hər hansı bir şəxsin yediyi yeməklər içərisində haram buyurulan bir şey görmürəm". Hər kəs harama meyl etmədən və həddi aşmadan bunlardan yeməyə məcbur olarsa, ona günah gəlməz. Şübhəsiz ki, Allah Bağışlayandır, Rəhmlidir” (əl-Ənam, 145).

Haram qidalar

“Həm sizin, həm də səfərdə olanların faydalanması üçün dəniz ovu və onu yemək sizə halal edildi. (Həcc edərkən) ihramda olduğunuz müddətdə isə quruda ov etmək sizə haram edildi. Hüzuruna toplanılacağınız Allahdan qorxun!” (əl-Maidə, 96).

Hansı qida ölü heyvan kimidir?

Heyvan sağ ikən onun bədənindən kəsilib götürülmüş ət parçası ölü heyvan əti kimidir. Peyğəmbər - ona və ailəsinə Allahın salavatı və salamı olsun - demişdir: «Heyvan sağ ikən ondan kəsilib götürülmüş tikə ölü heyvan əti kimidir». (Əbu Davud, 2841).

Köpək dişli heyvanın və caynaqlı quşun yeyilməsi haramdır

Rəvayət edilir ki, İbn Abbas demişdir: “Peyğəmbər köpək dişli heyvanların və caynaqlı quşların yeyilməsini haram etmişdir» (Muslim, 1934).

Nəcasətlə qidalanmış heyvanın yeyilməsi haramdır

Rəvayət edilir ki, İbn Ömər demişdir: «Peyğəmbər nəcasətlə qidalanmış heyvanın ətini yeməyi və südünü içməyi qadağan etmişdir» (Əbu Davud, 3767).

Nəcasətlə qidalanmış heyvan üç gün qapalı yerdə saxlanılıb təmiz qidalarla yemləndikdən sonra kəsilib yeyilə bilər.  

Haram olunan qidanın zərurət halında yeyilməsinə icazə verilir

Uca Allah buyurur: "...Hər kəs günaha meyl etməyərək aclıq üzündən haram olanlardan istifadə etməyə məcbur olarsa, bilsin ki, Allah Bağışlayandır, Rəhmlidir” (əl-Maidə, 3).

Realpress.az


28 Fev 2024
Maraqlı

Yer kürəsində gözlənilməz maqnit qasırğası başlayıb

Günəşdəki güclü partlayışlar Yerdə gözlənilməz maqnit qasırğasına səbəb olub.

20 Fev 2024
Maraqlı

Günəşdən daha parlaq cisim kəşf edilib

Avstraliya və Çilidən olan bir qrup elm adamı Çilidəki Atakama səhrasında teleskopların köməyilə apardıqları müşahidələr nəticəsində "J0529-4351" adlı son dərəcə parlaq və kütləvi kvazar ( Kvazi ulduzlar və ya kvazarlar-müşahidə olunan kainatın ən parlaq obyektləridir ) haqqında təəccüblü təfərrüat aşkarlayıblar.

16 Fev 2024
Maraqlı

Günəşdə güclü partlayış baş verib

Günəşdə ən yüksək “X” sinfinə aid partlayış baş verib.

12 Yan 2024
Maraqlı

Günəşin kənarında güclü püskürmənin möhtəşəm görüntüsü qeydə alındı - VİDEO

Günəşin kənarında hələ nömrələnməmiş yeni günəş ləkələri qrupunda M1.94 sinifli püskürmə baş verib.