Yaddaşınızı gücləndirmək üçün bunları edin

Yaddaşınızı gücləndirmək üçün bunları edin
10 May 2019 13:08

Hazırda bir çox insan yaddaş zəifliyindən şikayət edir. Gərginlik, stress, informasiya çoxluğu, yuxusuzluq, düzgün olmayan qida və digər amillər yaddaşın zəifləməsinə gətirib çıxarır.

Yaddaşın pozulması yaşlılarda daha çox rast gəlinsə də, son zamanlar gənclərin də bir çoxu bu problemdən əziyyət çəkir. Yaşlandıqca yaddaşın zəifləməsi normal sayıla bilər. Lakin gənclərdə yaddaş zəifliyinin səbəbləri əsasən yuxarıda qeyd etdiyimiz amillərdir.

Realpress.az Axar.az-a istinadla bildirir ki, mütəxəssislər yaddaşın yaxşılaşdırılması üçün ilkin olaraq düzgün qidalanmağı, hər gün eyni saatda yatıb durmağı və fiziki işlə məşğul olmağı məsləhət görür. Mütəxəssislər hesab edir ki, bir çox qidalar yaddaşı möhkəmləndirmək gücündədir. Bunların sırasında balıq əti, balıq kürüsü, yumurta, kakao, qoz və müxtəlif çərəzlər, lobya, meyvə-tərəvəz, süd və digərlərini misal göstərə bilərik.

Səhər yeməkləri sağlamlıq üçün xüsusi əhəmiyyət daşıyır. Həkim-nevropatoloqların fikrincə, səhər yeməyi zamanı şirin çay içmək orqanizm üçün çox faydalıdır. Bu, həm də yaddaşın möhkəmlənməsi üçün əvəzolunmaz vasitədir.

Yaddaşın zəifləməsinin əsas səbəblərindən biri də damarlarda baş verən dəyişikliklərdir. İdmana zaman ayırmaq, eyni zamanda bərkdən kitab oxumaq, şeir əzbərləmək, yalnız lazım olan informasiyanı beyində saxlamaq və tərkibində kalsium, fosfor, A, C, E, B vitaminləri olan qidaları qəbul etmək yaddaşın möhkəmlənməsində sizə yardımçı olur.

Alimlərin apardıqları araşdırmalar zamanı məlum olub ki, həddən artıq televizor izləmək də yaddaşa mənfi təsir göstərir. Hər gün 7 saatdan artıq zamanını televizor qarşısında keçirən insanlar televizora daha az baxanlara nisbətən 50% daha çox yaddaş zəifliyinə məruz qalırlar.

Fiziki məşq zehni fəaliyyətə kömək edir. Öyrənməyə davam edin: Davamlı olaraq oxumaq, yeni hobbilər əldə etmək, tapmaca həll etmək zehninizi gücləndirir.

Kifayət qədər yatın: Gündə səkkiz saatlıq yuxu ilə beyninizin dincəlməsinə şərait yaradın.



20 May 2019
Maraqlı

Bu əşyaları hamamda saxlamayın - SİYAHI

Şəxsi gigiyenamız üçün hamam olduqca önəmli bir yerdir. Hamamda yaranan nəmli və rütubətli şəraitə görə oranı nə qədər təmizləsək də, istənilən təmizliyi əldə etmək çətin olur.

20 May 2019
Maraqlı

Belarus Azərbaycana niyə xal vermədi?

Şənbə günü "Eurovision" mahnı müsabiqəsinin final gecəsində Belarusun Azərbaycana bal verməməsi müzakirələrə səbəb olub. 

20 May 2019
Maraqlı

Diş qıcamağın səbəbi bu imiş

Estetik diş həkimi Efe Kaya diş qıcamağın bütün dişlərə zərər verdiyini açıqlayıb. O, xüsusən də yuxu zamanı bu problemin artığını qeyd edib.

20 May 2019
Maraqlı

Oruc – biçaqsiz tibbi əməliyyat kimidir

Oruc tutmağın çox üstünlükləri var və bu haqda yüzlərlə məqalə oxuya bilərsiniz. Dr. Paul Bragg (1895-1976), "The miracle of fasting" (Orucun möcüzəsi) kitabında qeyd etdiyi kimi "Oruc bıçaqsız əməliyyat kimidir".