“Fani” qasırğası 64 can aldı - VİDEO

“Fani” qasırğası 64 can aldı - VİDEO
13 May 2019 09:39


Hindistanın Orissa ştatında “Fani” siklonunun qurbanlarının sayı 64 nəfərə çatıb.

Bu barədə NDTV məlumat verir.

Telekanalın məlumatına görə, siklon ən çox sahilyanı Puri şəhərində fəsadlara yol açıb.

Qasırğanın bölgəyə daxil olmasından bir həftə sonra xilasedicilər daha 18 fəlakət qurbanının meyitini aşkarlayıb.

Hazırda fəlakətin ziyan vurduğu rayonlarda on minlərlə insanın iştirakı ilə bərpa işləri aparılır.

Xatırladaq ki, “Fani” qasırğası Hindistanın Orissa ştatına mayın 3-də çatıb. “Fani” Hindistana daxil olmuş son 20 ilin ən dağıdıcı qasırğalarından sayılır. Güclü siklon özü ilə leysan yağışlar və sürəti saatda 200 kilometrə çatan küləklər gətirib.