Şəfəq Hüseynliyə Avropa Şurasında vəzifə verildi

Şəfəq Hüseynliyə Avropa Şurasında vəzifə verildi
13 May 2019 17:32


Azərbaycan Milli Antidopinq Agentliyinin (AMADA) direktoru Şəfəq Hüseynli Avropa Şurasının İşçi qrupunun sədr müavini seçilib.

AMADA-dan realpress.az-a verilən məlumata görə, o, bundan sonra Avropa Şurasının “İnsan hüquqları və idmançılar” üzrə xüsusi İşçi qrupunun sədr müavini vəzifəsində də işləyəcək.

Bu qərar Rumıniyanın paytaxtı Buxarestdə 7-8 may tarixlərində keçirilən Avropa Şurasının Antidopinq Konvensiyası üzrə Monitorinq qrupunun 50-ci iclasında qəbul edilib.

“İnsan hüquqları və idmançılar” qrupunun tərkibinə sədr, sədr müavini və səkkiz ölkənin nümayəndələrindən ibarət üzvlər daxildir. Həmçinin, İnsan Hüquqları üzrə Avropa Məhkəməsi, Venesiya Komissiyası, Beynəlxalq Olimpiya Komitəsi və digər Avropa Şurası təşkilatlarının nümayəndələri də daxil ediləcək. Əlavə olaraq, Avropa İttifaqı, YUNESKO və WADA qurumları müşahidəçi qismində öz nümayəndələrini təyin edəcək.

Qrupun əsas məqsədi antidopinq qaydalarının tətbiqi zamanı idmançıların hüquqlarının effektiv təmin edilməsi, onların ədalət mühakiməsinə maneəsiz çıxışı, insan hüquqlarının idmanda dopinqə qarşı mübarizədə qorunması və bu sahədə digər sənədlərin və təkliflərin hazırlanmasıdır.

Həmçinin Ş.Hüseynli 6-7 may tarixlərində Ümumdünya Antidopinq Agentliyi (WADA) üzrə Ad Hoc Avropa Komitəsinin (CAHAMA) 46-cı iclasında da iştirak edib. Bu görüşdə müzakirə edilən əsas məsələlərdən biri mayın 14-də Monreal şəhərində keçiriləcək WADA-nın növbəti prezident seçkisinə hazırlıq olub. 

Qeyd edək ki, Avropa Şurasının Antidopinq Konvensiyası 1989-cu ildə qəbul edilib. Azərbaycan bu sənədi 2002-ci ildə imzalayıb.


20 May 2019
İdman

Azərbaycanı ilk dəfə Avropa Oyunlarında qadın samboçu təmsil edəcək

Azərbaycanı ilk dəfə Avropa Oyunlarında qadın samboçu təmsil edəcək

20 May 2019
İdman

“Qalatasaray” çempion oldu - Bakı və Gəncədə böyük sevinc yaşandı - VİDEO

Türkiyə Super Liqasınnın mərkəzi qarşılaşmasında çempionluq uğrunda mübarizə aparan “Qalatasaray”la “Başakşəhər” üz-üzə gəlib.

20 May 2019
İdman

Naxçıvan klubu 14-cü dəfə Azərbaycan çempionu oldu

Naxçıvan klubu 14-cü dəfə Azərbaycan çempionu oldu

18 May 2019
İdman

Eduard Məmmədov yeddinci dəfə Dünya Kubokunu qazandı

Eduard Məmmədov yeddinci dəfə Dünya Kubokunu qazandı