“Avropa Liqası”nın “qara bazar” işinə DTX də qarışdı

“Avropa Liqası”nın “qara bazar” işinə DTX də qarışdı
14 May 2019 11:20


Azərbaycandan “Avropa Liqası”nın finalına onlayn formada beş min bilet alınıb. Ölkəmizə fiziki satış üçün 10 min bilet təqdim olunub və bu satış mayın 1-dən başlanıb. Onların əksəriyyəti artıq satılıb. Bileti alan zaman insanlar şəxsiyyət vəsiqələrini təqdim etməlidirlər. Hər bir bilet şəxsiyyət vəsiqəsinə bağlıdır. 

Bu fikirləri İTV-nin canlı efirində Bakıda keçiriləcək Avropa Liqasının final oyunu barədə danışarkən AFFA-nın baş katibi Elxan Məmmədov deyib. 

“Dövlət Təhlükəsizlik Xidməti ilə “qara bazar”ın qarşısını almaq üçün işlər görülür. Onlayn formada alınan bilet isə azarkeşin telefonuna göndəriləcək. Həmin şəxslər stadiona yaxınlaşaraq, “Bluetooth” funksiyasını aktivləşdirərək, bileti əldə edə bilər. 

Ona görə də onlayn formada alınan biletlər “qara bazar”da satışa çıxarıla bilməz. Texniki cəhətdən bu mümkün deyil. Stadionda quraşdırılan xüsusi aparat vasitəsilə “Bluetooth” funksiyası aktivləşən zaman həmin telefona göndəriləcək və azarkeş bunun köməyilə stadiona daxil ola biləcək. 

Fiziki satış zamanı “qara bazar” hansısa yollarla bilet əldə edə bilər, ancaq təhlükəsizlik xidmətləri bunun qarşısını alacaqlar. Hazırda bununla bağlı işlər gedir. 

İki min əlavə bilet satışa çıxarılacaq. 20 min bilet UEFA tərəfindən bu qurumun nümayəndələrinə, sponsorlara, müxtəlif futbol federasiyalarına təqdim edilib. Hər bir kluba altı min bilet verilir. Klublar əlavə bilet ehtiyac olduğu təqdirdə bunun üçün UEFA-ya müraciət edə bilərlər. Müraciətdən sonra bu say altı mindən 8-10 minə qaldırıla bilər”. 


22 İyul 2019
İdman

“Qəbələ” Hollandiyanın məşhur komandası ilə qarşılaşa bilər

“Qəbələ” Hollandiyanın məşhur komandası ilə qarşılaşa bilər

22 İyul 2019
İdman

Daha bir güləşçimiz qızıl medal qazandı

Azərbaycanın yunan-Roma güləşçisi Qurban Qurbanov Bakı-2019 Avropa Gənclər Yay Olimpiya Festivalında (EYOF) final görüşünü keçirib.

22 İyul 2019
İdman

Çempionlar Liqasında 3-cü mərhələnin püşkü atıldı

UEFA Çempionlar Liqasında 3-cü təsnifat mərhələsinin püşkü atılıb.

22 İyul 2019
İdman

Messinin avtomobili əlindən alınır

Almaniyanın "Audi" şirkəti "Barselona" ilə əməkdaşlığı dayandırıb.