WhatsApp messencerində boşluq aşkar edilib

WhatsApp messencerində boşluq aşkar edilib
14 May 2019 15:35

"WhatsApp"da aşkar edilmiş ciddi boşluq hakerlərə istifadəçiləri izləmək üçün telefonlara zərərverici proqram təminatı quraşdırmağa imkan verib.

"ICTnews" Elektron Xəbər Xidməti "bbc.com" saytına istinadən yazır ki, təhlükəsizlik sistemində sözügedən boşluq təxminən 10 gün əvvəl şirkətin mütəxəssisləri tərəfindən aşkar edilib. Bundan sonra şirkət bu barədə ABŞ-ın hüquq-mühafizə orqanları və təhlükəsizlik üzrə ekspertlərə məlumat verib.

Hücumun mahiyyəti aşağıdakı kimi olub: istifadəçinin telefonuna səsli zəng göndərilib. İstifadəçi zəngi qəbul etmədiyi halda belə qurbanın telefonuna smartfonun kamerası və mikrofonunun köməyi ilə cihaz sahibinin hərəkətini izləməyə imkan verən zərərverici proqram quraşdırılıb. Həmçinin zəng haqqında informasiya qurğunun yaddaşından silinə bilərdi. Bu haqda messencerdə aşkar edilmiş boşluq barədə ilk məlumat yaymış Britaniyanın "Financial Times" dərgisi yazır.

"WhatsApp" sözügedən boşluğu aradan qaldırıb və bütün istifadəçilərə messencerin son versiyasını yükləməyi tövsiyə edib.

Realpress.az


19 Avq 2019
İT

“Google Play” mağazasında virus proqramları 8 milyon dəfə yüklənilib

İnformasiya təhlükəsizliyi üzrə həllərin istehsalçısı olan “Trend Micro” şirkəti 85 virus tətbiqindən ibarət olan proqram aşkar edib. “Google Play” mağazasında 8 milyon dəfədən çox yüklənilib.

19 Avq 2019
İT

Dünyada İKT xərcləri stabil artacaq

İqtisadi artımın zəifləməsi və ABŞ və Çin arasında ticarət münaqişəsinin kəskinləşməsinə baxmayaraq dünyada informasiya-kommunikasiya texnologiyaları (İKT) üçün xərclər növbəti 5 ildə stabil artacaq. Bu barədə “International Data Corporation” (IDC) tədqiqat şirkətinin proqnozunda deyilir.

19 Avq 2019
İT

Qurğuların işləmə sürətini on dəfələrlə artıra bilən nanoelementlər hazırlanır

Rusiya Elmlər Akademiyasının Bərk Cisimlər Fizikası İnstitutunun mütəxəsissləri rəqəmli və kvant elektronikası üçün nanostrukturların hazırlanması üzərində işləyirlər ki, bu da qurğuların işləmə sürətini on dəfələrlə artıracaq və onların enerji səmərliliyini yüksəldəcək. Bu haqda tədqiqat rəhbəri professor Valeri Ryazanov bildirib.  

19 Avq 2019
İT

Təyyarəni drona çevirən sistemin sınaqları keçirilib (VİDEO)

ABŞ Hərbi Hava Qüvvələrinin tədqiqat laboratoriyası yüngül təyyarələri pilotsuz uçan aparatlara çevirməyə imkan verən "ROBOpilot" sisteminin ilk uçuş sınaqlarını keçirib.

19 Avq 2019
İT

"iPhone"da yeni təhlükəli boşluq aşkar edilib

Hakerlər "Kontaktlar" proqramının köməyi ilə "iPhone" qurğusuna müdaxilə etməyə nail olublar.