OnePlus 7 Pro smartfonu rəsmən təqdim edilib

OnePlus 7 Pro smartfonu rəsmən təqdim edilib
15 May 2019 09:47

Çinin “OnePlus” şirkəti “OnePlus 7 Pro” smartfonunu nümayiş etdirib. Yeni cihaz “QHD ” (HDR10 dəstəyi reallaşdırılıb, yeniləmə tezliyi 90 hersdir) təsvir ölçülü 6,67 düymlük AMOLED displey, irəli-geri çəkilən “selfi”-kamera və 48 meqapiksellik əsas obyektivlə təchiz edilib.

 

“ICTnews” Elektron Xəbər Xidməti “hitech.vesti.ru” saytına istinadən yazır ki, aparatın displeyi 5-ci nəsil “Gorilla Glass” şüşəsi ilə qorunur, panelin təsvir ölçüsü 3120x1440 piksel təşkil edir. Ön kameranın təsvir ölçüsü 16 meqapikseldir. Şirkətdən bildirilib ki, irəli-geri çəkilən mexanizm ən azı 300 min dəfə açılıb-bağlanacaq. Daxili datçik kimi quraşdırılmış akselerometr smartfonun yerə düşməsini müəyyənləşdirən kimi, ön kamera avtomatik öz yerinə qayıdacaq.

 

“OnePlus 7 Pro” – Çin istehsalçısının üçqat kamera ilə təchiz edilmiş ilk smartfonudur. Əsas kamera 48 meqapiksellik “Sony IMX586” datçiki ilə təchiz edilib. Yeni “UltraShot” funksiyası 4 dəfə daha çox işıq əhatə etməyə imkan verir. Saniyədə 60 kadr sürətlə 4k formatında, həmçinin 1080p/240 k/s və 720p/480 k/s rejimlərində çarxların çəkiliş imkanı mövcuddur. Bundan başqa, cihaza 3 qat zum imkanına malik 8 mp-lik teleobyektiv və 16 mp-lik genişbucaqlı kamera quraşdırılıb.

 

“OnePlus 7 Pro” smartfonu 10 qat maye soyutma sisteminə malik “Qualcomm Snapdragon 855” prosessoru ilə təchiz edilib. Smartfona “UFS 3.0” standartına əsaslanan yüksəksürətli yaddaş modulu və “Warp Charge 30” sürətli enerjidoldurma funksiyasına malik 4000 milliamper/saat tutumuna malik batareya quraşdırılıb. Qulaqlıqlar üçün 3,5 mm-lik audiogiriş nəzərdə tutulmayıb.

 

“OnePlus 7 Pro” smartfonunun standart modelinin (6 QB əməli yaddaş və 128 QB daxili yaddaş) qiyməti 670 dollar təşkil edir. 8/256 QB-lıq modelin qiyməti 700, 12/256-lıq modelin qiyməti isə 750 ABŞ dolları təşkil edəcək.

Realpress.az


22 May 2019
İT

Azərbaycanın ən populyar smartfonları açıqlandı

Azərbaycanın ən populyar smartfonları açıqlandı

22 May 2019
İT

“Honor 20” və “Honor 20 Pro” modelləri rəsmən təqdim edilib

“Huawei” şirkəti Londonda “Honor 20” smartfonlarının yeni istehsal xəttini təqdim edib.

22 May 2019
İT

Milyonlarla “Instagram” istifadəçisinin telefon nömrəsi və elektron poçtu internetdə yerləşdirilib

2019-cu il mayın 20-də informasiya təhlükəsizliyi üzrə mütəxəssis Anuraq Sen “Instagram” istifadəçilərinin məlumat bazasının internetdə yerləşdirilməsi haqqında məlumat verib. Məlumat bazasında tanınmış bloqer və brendlərin əlaqə informasiyası, həmçinin telefon nömrələri və elektron poçtları var.

21 May 2019
İT

Mühəndislər tamamilə özü öyrənən neyron şəbəkəsinə malik ilk robot təqdim ediblər

Lobaçevski adına Nijeqorod Dövlət Universitetinin alimləri neyron şəbəkəsi sayəsində tamamilə özü öyrənən robot hazırlayıblar.

21 May 2019
İT

Kibertəhlükəsizlik üzrə Gənclər Seminarı keçirilib

 Gənclərin və gələcək nəsillərin qlobal şəbəkədəki mövcud və potensial təhdidlərlə bağlı məlumatlandırılması məqsədilə 21 may 2019-cu il tarixində Nəqliyyat, Rabitə və Yüksək Texnologiyalar Nazirliyi və Azərbaycan Respublikasının Gənclər Fondunun birgə təşkilatçılığı ilə "Kibertəhlükəsizlik üzrə Gənclər Seminarı" keçirilib.