Made in Azerbaijan: İnnovasiyalar və Texnologiyalar” Forumu olacaq

Made in Azerbaijan: İnnovasiyalar və Texnologiyalar” Forumu olacaq
15 May 2019 13:41

"İnnovasiya Festivalı" çərçivəsində cari ilin 3 iyun tarixində "Made in Azerbaijan: İnnovasiyalar və Texnologiyalar" Forumu ("MAİNTECH – 2019") keçiriləcək.

Tədbir Nəqliyyat, Rabitə və Yüksək Texnologiyalar Nazirliyinin yanında İnformasiya Texnologiyalarının İnkişafı Dövlət Fondunun dəstəyi və təşəbbüsü ilə baş tutacaq.

Forumun keçirilməsində əsas məqsəd innovativ və texnoloji məhsul və xidmətlərin daha geniş tanıdılması və onların ixracına dəstək olmaqdır.

Tədbirdə yerli innovativ məhsul və texnologiyaların ixrac perspektivləri, innovativ biznes ekosisteminin inkişafı, yaradılan məhsul və xidmətlərdən ölkə daxilində həm özəl, həm də dövlət sektoru tərəfindən istifadənin təşviq edilməsi üzrə təqdimat və müzakirələr yer alacaq.

Forumda dövlət qurumları, özəl sektor, beynəlxalq təşkilatlar, ölkəmizdə fəaliyyət göstərən xarici diplomatik korpusun nümayəndələri, habelə innovasiya ekosisteminin iştirakçıları, startapçılar və xarici ölkələrdən olan nümayəndələrin iştirakı nəzərdə tutulur.

Realpress.az


22 İyul 2019
İT

“Xiaomi” şirkəti 500 ən böyük şirkət sırasında yer alıb

"Fortune" nəşrinin versiyasına görə, Çinin smartfon və başqa istehlak elektronikası istehsalçısı olan "Xiaomi" ilk dəfə dünyanın 500 ən böyük şirkətlərinin reytinqinə daxil edilib.

22 İyul 2019
İT

Korporativ sektor “Windows 10” sisteminə keçir

Kibertəhlükəsizlik texnologiyaları üzrə ixtisaslaşmış “Duo Security” şirkəti korporativ sektorda “Windows 10” sisteminin liderliyi haqqında məlumat verib.  

22 İyul 2019
İT

“5G” şəbəkəsinin tətbiqi mobil telefonların dinlənilməsini çətinləşdirəcək

"5G" texnologiyasının istifadəyə verilməsi hüquq-mühafizə orqanlarının cinayətkarların mobil telefonlarını dinləmək imkanından məhrum olması ilə nəticələnəcək. Avropa Polis Təşkilatının (Avropol) rəhbəri Katrin De Boll belə düşünür. O, Avropa İttifaqına üzv ölkələrin hazırda "4G" şəbəkəsindən beşinci nəsil mobil rabitə şəbəkəsinə (5G) keçidlə əlaqədar boşluğu doldura bilən texniki vasitələrə malik olmaması ilə əlaqədar Aİ liderlərinə texniki baxımdan yaxşı hazırlanmış cinayətkarlarla mübarizə üçün maliyyələşdirməni artırmaq və səlahiyyətləri genişləndirmək xahişi ilə müraciət edib.

22 İyul 2019
İT

“Toyota” elektromobili olimpiada iştirakçılarına xidmət göstərəcək

2020-ci ildə Yay Olimpiya və Paralimpiya oyunları dünyanın texnoloji baxımdan ən inkişaf etmiş ölkəsi – Yaponiyada keçiriləcək. “Toyota” şirkəti idman tədbirinin keçirilməsi münasibətilə olimpiadanı müşayiət etmək üçün “Accesible People Mover” (APM) adlı futuristik dizayna malik sərnişindaşıma elektromobilinin xüsusi versiyasını yaradıb.  

22 İyul 2019
İT

Yeni virtual reallıq əlcəyi virtual obyektlərə toxunur

Koreya Elm və Texnologiyalar İnstitutunun mütəxəssisi Yunqsu Çanın rəhbərliyi ilə tədqiqat qrupu yüngül silikon virtual reallıq əlcəyi yaradıb.