İkiekranlı “HP” noutbukunda oyun zamanı “YouTube”a baxmaq mümkündür

İkiekranlı “HP” noutbukunda oyun zamanı “YouTube”a baxmaq mümkündür
15 May 2019 14:48

HP" şirkəti güclü "Omen X 2S" oyun noutbukunu nümayiş etdirib. Yeni qurğu klaviaturanın yuxarı hissəsində yerləşən 6 düym diaqonallı yardımçı "Full HD" ekranla seçilir. İdeya ondan ibarətdir ki, istifadəçilər oynamaqla paralel şəkildə "Twitch" servisində birbaşa translyasiyaya və ya "YouTube"da tədris videoçarxlarına baxa, "Discord" çatında komanda üzvü ilə söhbət edə və ya prosessorun yükünü izləyə bilsinlər.

 

"ICTnews" Elektron Xəbər Xidməti "Vesti" resursuna istinadən yazır ki, bundan başqa, oyunçunun rahatlığı üçün ikinci displeydə oyunun bir sıra elementlərini göstərmək mümkündür. Burada, məsələn, böyüdülmüş şəkildə mini-kart və ya spidometri təkrarlamaq olar. Əlavə ekranı, həmçinin bütün digər proqramlar, o cümlədən brauzer dəstəkləyir.

 

Məlumata görə, əsas displey rolunda 144 QHs takt tezlikli 15 düym diaqonallı "Full HD" panel çıxış edir. Daha bahalı "Omen X 2S" modellərində tezlik yenilənməsi 240 giqahersədək, təsvir ölçüsü isə "HDR" dəstəkli "4K" formatınadək artırıla bilər.

 

Noutbukun əsas konfiqurasiyasına səkkiznüvəli "Intel Core i9" çipi, 32 giqabaytlıq operativ yaddaş və "Nvidia GeForce RTX 2080 Max-Q" qrafikası daxildir. Şirkət qurğu üçün məxsusi olaraq istiliyi tez qovan və sürəti 28 faizədək artırmağa imkan verən yeni maye metal soyutma sistemi hazırlayıb.

 

Qalınlığı 22 mm təşkil edən "HP Omen X 2S" noutbukunun akkumulyator tipi və tutumu barədə məlumat verilmir.

 

Noutbukun iyunda ABŞ-da 2100 dollar başlanğıc qiymətlə satışa çıxarılması nəzərdə tutulur.

Realpress.az


20 May 2019
İT

“Google” istifadəçilərin satınalmasını izləyir?

“Google” istifadəçilər tərəfindən edilmiş satınalmalar haqqında informasiyanı yadda saxlayır. “CNBC”-nin jurnalisti Todd Heyzelton buna diqqət yönəldib. O, "Satınalmalar" (Purchases) vərəqində son 5 il ərzində bütün öz satınalmalarının siyahısını aşkar edib. Bütün istifadəçilər müvafiq bölməyə daxil ola bilərlər.  

20 May 2019
İT

Cənubi Koreya hökuməti “Linux” sistemindən istifadəyə başlayacaq

Cənubi Koreya Daxili İşlər və Təhlükəsizlik Nazirliyinin nümayəndələri ölkə hökuməti tərəfindən istifadə edilən bütün kompüterlərin tezliklə “Linux” əməliyyat sisteminə keçəcəyini açıqlayıblar. Hazırda Cənubi Koreyanın dövlət müəssisələrində “Windows” əməliyyat sistemindən istifadə olunur.

20 May 2019
İT

Avropa İttifaqında kiberhücumlara sanksiyaların tətbiqi üçün mexanizm hazırlanıb

Avropa İttifaqında miqyaslı kiberhücumlara cavab olaraq sanksiyaların tətbiqinə imkan verən xüsusi mexanizm hazırlanıb. Bu barədə Avropa İttifaqı Şurasının bəyanatında deyilir.

20 May 2019
İT

Növbəti nəsil atom saatı yaradılır

ABŞ Milli Standartlar və Texnologiya İnstitutunun (NIST) mütəxəssisləri növbəti nəsil eksperimental atom saatı üçün əsas olacaq texnologiyanı nümayiş etdiriblər.

20 May 2019
İT

“Android” sisteminin hələ elan edilmiş versiyasında istifadəyə veriləcək yeni funksiya məlum olub

“Android” əməliyyat sisteminin hazırlanması üzrə məsul şəxs olan “Google” korporasiyasının vitse-prezidenti Deyv Berk “Twitter”də sözügedən sistemin növbəti versiyasında əlçatan olacaq yeni funksiya haqqında məlumat paylaşıb.