Azərbaycan Rusiya lisenziyası üzrə 100 mindən çox “Kalaşnikov AK-74M” avtomatı istehsal edib.
Bununla bağlı TASS agentliyinə Minskdə keçirilən “MILEX 2019” silah sərgisində iştirak edən Azərbaycan hərbi sənaye kompleksinin nümayəndəsi məlumat verib.
“Hazırda Azərbaycan lisenziya üzrə 100 mindən çox “AK-74M” avtomatı istehsal edib”, - agentliyin müsahibi bildirib.
Onun sözlərinə görə, Azərbaycanda “Kalaşnikov”ların istehsalı 2021-ci ilədək davam edəcək.
“Ümumilikdə 120 min “AK-74M” silahının istehsalı nəzərdə tutulub”, - o bildirib.
Azərbaycan Müdafiə Sənayesi Nazirliyi 2011-ci ildən “Xəzri” adı altında 5,45 millimetr kalibrli AK-74M avtomatı istehsal edir. “Xəzri” Azərbaycan ordusunun silahlanmasına daxildir.
“MILEX 2019” sərgisi mayın 15-dən 18-dək Minskdə keçirilir.
Naxçıvan Muxtar Respublikasında ilk milli hərbi hissənin yaradılmasının 31-ci ildönümü münasibətilə Əlahiddə Ümumqoşun Orduda silsilə tədbirlər keçirilib.
Ermənistan silahlı qüvvələrinə məxsus PUA-nın idarəetmə stansiyası məhv edilib.
İyunun 14-ü saat 10:00-dan etibarən Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən mövqelərini yenidən müxtəlif çaplı silahlardan intensiv atəşə tutub.