Çin alimləri ultrabənövşəyi şüaların təsiri ilə donan və dərhal daxili orqanların qanaxmasını dayandıran xüsusi bioyapışqan hazırlayıblar.
“ICTnews” Elektron Xəbər Xidməti “Naukatv” resursuna istinadən yazır ki, bir neçə saniyə ərzində ölümcül yaraların üstünü örtən qeyri-adi yapışqan ilk tibbi yardımın göstərilməsinin mümkün olmadığı yerlərdə istifadə oluna bilər. Şəffaf gel su, jelatin və zədəli toxumaya daxil edilən kimyəvi preparatların qarışığından ibarətdir. Bioyapışqan aktivləşdirilmədən sonra tez yapışaraq sukeçirməz bərkimə yaratmaqla qan və digər mayelərin axmasının qarşısını alır. Çjetszyan Universitetinin mütəxəssislərinin sözlərinə görə, yapışqan mayeli toxumalar üçün effektiv olması səbəbindən adətən yaraların tikilməsi üçün istifadə edilən toxmaq və ya tikişləri əvəz edir. Bioyapışqan hərbi əməliyyatların aparıldığı və ya mülki fəlakətlərin baş verdiyi yerlərdə əvəzedilməzdir; onu ürək əməliyyatı zamanı qanaxmanın dayandırılması və ya tibbi yardımın göstərilməsinin məhdud olduğu fövqəladə vəziyyətlər üçün istifadə etmək olar.
Bu vaxtadək tibbi yapışqan orqan toxumaları və ya iri qan damarlarını bitişdirmək üçün lazımınca möhkəmliyə malik olmayıb. Rezini xatırladan yeni hidrogel birləşdirici toxumaya bənzəyən material yaradır. Bioyapışqan, həmçinin tikişsiz germetizasiya üçün istifadə oluna bilər ki, bu da onu təcili cərrahiyyə əməliyyatlarında əvəzolunmaz edir.
Realpress.az
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.