Səbiş adlı narkotacirdən ETİRAF — "Üstümdə də, evdə də var idi" – VİDEO

Səbiş adlı narkotacirdən ETİRAF — "Üstümdə də, evdə də var idi" – VİDEO
16 May 2019 13:31

Binəqədi Rayon Polis İdarəsi 6-cı Polis Bölməsi əməkdaşlarının həyata keçirdikləri əməliyyat-axtarış tədbiri nəticəsində Biləcəri qəsəbəsində narkotik vasitələrin qanunsuz dövriyyəsi və alqı-satqısı ilə məşğul olan şəxslər ifşa ediliblər.

Realpress.az ARB TV-yə istinadən xəbər verir ki, əməliyyat nəticəsində Bakı şəhər sakini əvvəllər məhkum olunmuş Ramil Hüseynov saxlanılıb.

Onun üzərində şəxsi axtarış aparılan zaman 1,003 qram psixotrop maddə metamfetamin aşkar edilərək götürülüb.

R.Hüseynov ifadəsində narkotik vasitəni Biləcəri qəsəbəsində yaşayan "Səbiş" adlı şəxsdən aldığını bildirib.

Bölmə əməkdaşlarının keçirdikləri əlavə əməliyyat zamanı həmin şəxs, paytaxt sakini Səbinə Quliyeva da tutularaq istintaqa təqdim edilib.

Onun üzərində şəxsi axtarış aparılan zaman 50,020 qram, yaşadığı evdən isə əlavə olaraq 1 kiloqram 15 qram narkotik vasitə heroin aşkar edilərək götürülüb.

S.Quliyeva ifadəsində narkotik vasitələrin satışı ilə məşğul olduğunu etiraf edib.

Səbinə Quliyeva – Saxlanılan şəxs: “6-cı bölmə polis işçiləri tutdu. Üstümdə 50 qram var idi. Evdə də heroin var idi. Aldığım heroini satdıqdan sonra pulu aldığım adama verəcəkdim”.

Hər iki şəxs barəsində cinayət işi başlanılıb və barələrində məhkəmənin qərarı ilə həbs qətimkan tədbirləri seçilib.


22 İyul 2019
Cəmiyyət

Belə qarpızları almayın! Zəhərli qarpızın əlamətləri - FOTO

Qarpız hamının xoşladığı məhsul olsa da, bəzən onun fəsadları ilə üzləşməli oluruq. Qarpız zəhərlənməsi yayda ən çox rast gəlinən qida zəhərlənmələrindən sayılır.

22 İyul 2019
Cəmiyyət

Avropa Olimpiya Komitələrinin prezidenti: Azərbaycanın bu işdə böyük təcrübəsi var

Azərbaycan XV Avropa Gənclər Yay Olimpiya Festivalını yüksək səviyyədə təşkil edib.

22 İyul 2019
Cəmiyyət

Bu il Azərbaycanda istifadəyə verilən obyektlərin SİYAHISI

2019-cu ilin yanvar-iyun aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 6131,6 milyon manat vəsait yönəldilib, sərf edilmiş vəsaitin 68,4 faizini bilavasitə tikinti-quraşdırma işlərinin dəyəri təşkil edib.