Hakerlər “Android” əməliyyat sistemi ilə işləyən mobil cihazlara işə salınmazdan əvvəl, istehsal mərhələsində virus yeritməyin yolunu tapıb.
Bu kibercinayət sxemi ilə bağlı “The Verge” nəşri “Google” mütəxəssislərinə istinadən məlumat yayıb.
Söhbət mobil cihazlarda reklam yerləşdirmək və spam göndərmək üçün nəzərdə tutulan “Triada” ailəsindən olan təhlükəli proqramlardan gedir. Məlum olub ki, yenilənmiş “Android-troyan”lar qabaqcadan telefona yazıla bilər.
Belə hiyləgər virtual hücum istehsalçı şirkətlərə funksiyaları təkmilləşdirməkdə kömək edən və hazır proqramlarla təchiz edən PT (proqram təminatı) tədarükçülərinin əli ilə törədilir. Belə tədarükçülərə çox sayda təşkilat müraciət edir. Yoluxmanın təfsilatları barədə məlumat verilmir.
“Triada” ailəsindən olan hücumlara konkret olaraq hansı smartfonların məruz qaldığı barədə məlumat verilmir.
Habelə bundan əvvəl, 2017-ci ildə Çinin “Leagoo” və “Nemu” şirkətləri bu zərərli proqramın müxtəlif variantlarını aşkarlamışdı.
“Google” əməkdaşları istifadəçilərə mobil cihazlarında virusların olub-olmamasını yoxlamaq üçün “Build Test Suite” proqramını yazmağı tövsiyə edir.
Günəşdəki güclü partlayışlar Yerdə gözlənilməz maqnit qasırğasına səbəb olub.
Avstraliya və Çilidən olan bir qrup elm adamı Çilidəki Atakama səhrasında teleskopların köməyilə apardıqları müşahidələr nəticəsində "J0529-4351" adlı son dərəcə parlaq və kütləvi kvazar ( Kvazi ulduzlar və ya kvazarlar-müşahidə olunan kainatın ən parlaq obyektləridir ) haqqında təəccüblü təfərrüat aşkarlayıblar.
Günəşdə ən yüksək “X” sinfinə aid partlayış baş verib.
