2019-cu ildə süni intellekt prosessorlarının tədarük həcmi 170% artacaq

2019-cu ildə süni intellekt prosessorlarının tədarük həcmi 170% artacaq
11 İyun 2019 10:22

Yaxın gələcəkdə süni intellekt elementlərinə malik proqram təminatı ilə işləmək üçün optimallaşdırılmış prosessorların tədarük həcmi sürətlə yüksələcək.

“ICTnews” Elektron Xəbər Xidməti “dailycomm.ru” saytına istinadən yazır ki, analitiklərin qiymətləndirməsinə əsasən, 2019-cu ildə süni intellekt çiplərinin qlobal tədarük həcmi 2018-ci illə müqayisədə 170% artaraq 340 milyonu ötəcək. Gələcəkdə artım davam edəcək: 2023-cü ilədək süni intellekt prosessorlarının tədarük həcmi 1,5 milyarda yaxınlaşacaq.

Mütəxəssislərin fikrincə, universal prosessor və qrafik sürətləndiricilərin (GPU) hazırlanması akkumulyatorlarla işləyən mobil qurğuların hesablama imkanlarını xeyli gücləndirib. Lakin belə çipləri neyron şəbəkəsi ilə işləmək üçün mükəmməl platforma adlandırmaq olmaz. Daxili neyron şəbəkəsinə malik ixtisaslaşdırılmış süni intellekt prosessorları adi çiplərlə müqayisədə əməliyyatları daha yaxşı icra edir.

Realpress.az


14 İyun 2019
İT

Yaponiyada işıqforlar “5G” siqnallarını ötürəcək

Yaponiyada svetoforlar beşinci nəsil mobil rabitə şəbəkəsinin (5G) siqnallarını ötürməyə imkan verən xüsusi avadanlıqla təchiz ediləcək. Bu barədə ölkənin “NHK” telekanalı məlumat verib.

14 İyun 2019
İT

Elektrik enerjisini vulkan daşlarında saxlayan stansiya işə salınıb

Almaniyanın “Siemens” şirkətinin “Gamesa Corporacion Tecnologica” törəməsi yeni istilik elektrik stansiyasının tikintisini başa çatdıraraq istifadəyə verib. Layihənin unikallığı külək elektrostansiyası vasitəsilə toplanan enerjinin vulkan daşlarında saxlanılmasındadır.

14 İyun 2019
İT

Yeni alqoritm robotlara insanların hərəkət istiqamətini tapmağa kömək edəcək

Massaçusets Texnologiya İnstitutunun (MTİ) mühəndisləri tərəfindən işlənib hazırlanmış alqoritm robotlara insanın hərəkət istiqamətini öncədən bilməyə imkan verəcək. Bu xüsusiyyət gələcəkdə robot və insanların birgə işini asanlaşdıracaq.

14 İyun 2019
İT

Didim asteroidinin tədqiqi üzrə missiya üçün radiasiyaya davamlı kompüter hazırlanır

Avropa Kosmik Agentliyi (European Space Agency, ESA) Didim asteroidinə uçacaq "Hera" zondu üçün radiasiyaya davamlı kompüter hazırlamağa başlayıb. Qurğu 4 il ərzində planetlərarası məkanda iş qabiliyyətini qoruyacaq. Bu barədə agentliyin məlumatında deyilir.