“Amazon” şirkətinin təsisçisi robot əlləri test edib (VİDEO)

“Amazon” şirkətinin təsisçisi robot əlləri test edib (VİDEO)
11 İyun 2019 10:48

"Amazon" şirkətinin təsisçisi və dünyanın ən varlı adamlarından biri Ceff Bezos "re:MARS" konfransı çərçivəsində Britaniyanın "Shadow Robot" şirkətinin yaratdığı "Dexterous Hands" robot əllərini sınaqdan keçirib.

"ICTnews" Elektron Xəbər Xidməti "NEWSru" resursuna istinadən yazır ki, insan ovcunu imitasiya edən manipulyatorlar müxtəlif parametrləri izləyən və 24 hərəkət tipini yerinə yetirən 129 quraşdırılmış ötürücüyə malikdir. Konfrans zamanı onlar "SynTouch" şirkətinin "HaptX" əlcəyi vasitəsilə məsafədən manipulyatorları idarə etməyə imkan verən "BioTac" toxunuşla hiss edilən ötürücüləri ilə birləşdirilib.

R.Bezos robot əllərin köməyi ilə plastik stəkanı stəkan qalaqlarının üstünə səliqə ilə qoyub, oyuncaq topu bir əldən digərinə ötürüb, daha sonra onu digər şəxsə verib, sonda isə manipulyator vasitəsilə oyuncaq piramidanın yuxarı detalını çıxarıb. Bundan başqa, "Rubik kubiki" oyunu masa üzərinə qoyulsa da, kadrda onunla bağlı baş verənləri görmək mümkün olmayıb.

"Shadow Robot" şirkətinin idarəedici direktoru Riçard Uolkerin sözlərinə görə, texnologiya təhlükəli əmək şəraiti ilə əlaqədar sahələrdə tətbiq edilə bilər. Məsələn, robot əlləri radiasiya səviyyəsinin yüksək olduğu zonalarda iş zamanı istifadə etmək mümkündür.

Realpress.az


14 İyun 2019
İT

Yaponiyada işıqforlar “5G” siqnallarını ötürəcək

Yaponiyada svetoforlar beşinci nəsil mobil rabitə şəbəkəsinin (5G) siqnallarını ötürməyə imkan verən xüsusi avadanlıqla təchiz ediləcək. Bu barədə ölkənin “NHK” telekanalı məlumat verib.

14 İyun 2019
İT

Elektrik enerjisini vulkan daşlarında saxlayan stansiya işə salınıb

Almaniyanın “Siemens” şirkətinin “Gamesa Corporacion Tecnologica” törəməsi yeni istilik elektrik stansiyasının tikintisini başa çatdıraraq istifadəyə verib. Layihənin unikallığı külək elektrostansiyası vasitəsilə toplanan enerjinin vulkan daşlarında saxlanılmasındadır.

14 İyun 2019
İT

Yeni alqoritm robotlara insanların hərəkət istiqamətini tapmağa kömək edəcək

Massaçusets Texnologiya İnstitutunun (MTİ) mühəndisləri tərəfindən işlənib hazırlanmış alqoritm robotlara insanın hərəkət istiqamətini öncədən bilməyə imkan verəcək. Bu xüsusiyyət gələcəkdə robot və insanların birgə işini asanlaşdıracaq.

14 İyun 2019
İT

Didim asteroidinin tədqiqi üzrə missiya üçün radiasiyaya davamlı kompüter hazırlanır

Avropa Kosmik Agentliyi (European Space Agency, ESA) Didim asteroidinə uçacaq "Hera" zondu üçün radiasiyaya davamlı kompüter hazırlamağa başlayıb. Qurğu 4 il ərzində planetlərarası məkanda iş qabiliyyətini qoruyacaq. Bu barədə agentliyin məlumatında deyilir.