Ərdoğandan vəd: "Məhv edəcəyik"

Ərdoğandan vəd: "Məhv edəcəyik"
13 İyun 2019 09:07

Türkiyə Fəratın şərqindəki terror dəhlizini də məhv edəcək.

Trend-in Türkiyə KİV-lərinə istinadən verdiyi məlumata görə, bunu Türkiyə Prezidenti Rəcəb Tayyib Ərdoğan hakim Ədalət və İnkişaf Partiyasının iclasında çıxışı zamanı deyib.

T.Ərdoğan bildirib: "Biz Fəratın şərqində terror dəhlizini daha öncə Cerablus-Afrin xəttində və İraqın şimalında məhv etdiyimiz kimi məhv edəcəyik".

Rusiyada S-400 zeniot-raket komplekslərinin alınmasına toxunan ölkə başçısı qeyd edib ki, Türkiyə bu sistemləri artıq alıb: "Mən S-400 sistemlərini alacağıq demirəm. Mən bu sistemləri artıq almışıq deyirəm. Biz bu sistemləri birgə istehsalını nəzərdə tutan razılaşma imzalamışıq".

T.Ərdoğan həmçinin ABŞ-dan "F-35" qırıcı təyyarələrinin alınması haqqında da danışıb: "Türkiyə bu təyyarələrin yalnız müştərisi deyil, eyni zamanda istehsal üzrə tərəfdaşdır. Ayın sonunda Yaponiyada ABŞ prezidenti Donald Trampla görüşümüz olacaq. Bu məsələni biz onunlar müzakirə edəcəyik".

Realpress.az


17 İyun 2019
Dünya

Araz Ağalarov bu sahələrə investisiya yatırmağı təklif edir

“Crocus Group”un sahibi Araz Ağalarov Rusiya ilə Türkiyə arasında iqtisadi münasibətləri daha fəal şəkildə inkişaf etdirməyə çağırıb.