Mütəxəssislər “Android” üçün yeni fırıldaqçı proqram haqqında xəbərdarlıq ediblər

Mütəxəssislər “Android” üçün yeni fırıldaqçı proqram haqqında xəbərdarlıq ediblər
06 İyul 2019 11:30

Kibertəhlükəsizlik sahəsi üzrə ixtisaslaşmış “CSIS” şirkətinin mütəxəssisləri “Android” sisteminin idarəetməsi altında işləyən smartfonlar üçün təhdid yaradan yeni fırıldaqçı proqram aşkar ediblər.
 
“ICTnews” Elektron Xəbər Xidməti “ria.ru” saytına istinadən yazır ki, ekspertlərin sözlərinə görə, “Google Play” mobil tətbiqlər mağazasında istifadəçilərə smartfon üçün təkmilləşdirmələr adı altında "Updates for Samsung" proqramını yükləmək təklif edilir.
 
Ancaq proqram quraşdırılandan sonra istifadəçilər “Android” sistemi haqqında müxtəlif məqalə və xəbərlərin yerləşdirildiyi “update.com” saytına daxil olurlar.
 
Bundan başqa, proqramın bəzi bölmələrində rahat istifadəyə mane olan çoxsaylı reklam elanları yerləşdirilib və 9 dollar qarşılığında reklamı deaktiv etmək təklif edilir. Həmçinin sözügedən proqram 34,9 dollar qarşılığında smartfonun yenilənmələri üçün illik abunə təklif edir. Ancaq xidmət haqqı “GooglePlay” üzərindən edilmir və proqram istifadəçinin kredit kartı haqqında bütün informasiyanı ələ keçirir.
 
Şirkətin ekspertləri istifadəçiləri diqqətli olmağa çağırırlar, çünki bu proqram 10 milyon dəfədən çox yüklənilib və pulköçürməsi etmiş istifadəçilərin sayı məlum deyil. Mütəxəssislər, həmçinin qeyd ediblər ki, smartfonu yalnız daxili sazlamalar vasitəsilə yeniləmək lazımdır.

Realpress.az


23 İyul 2019
İT

“Huawei” böyük ekranlı yeni yığcam noutbukunu təqdim edib

"Huawei" şirkəti "Honor MagicBook Pro" adlı yeni noutbukunu təqdim edib. Yeni noutbuk yüngüldür, displey ön panelin səthinin 90%-ni tutur və avtonom işləmə vaxtı 14 saatadək təşkil edir.  

23 İyul 2019
İT

ABŞ Prezidenti texnoloji şirkətlərin rəhbərləri ilə milli təhlükəsizlik məsələlərini müzakirə edib

ABŞ Prezidenti Donald Tramp “Google”, “Broadcom” və digər texnoloji şirkətlərin rəhbərləri ilə görüşərək ticarət praktikalarını və milli təhlükəsizlik məsələlərini müzakirə edib.  

23 İyul 2019
İT

2019-cu ildə virtual köməkçilərə malik qurğuların tədarükü 1,1 milyarda çatacaq

"Futuresource Consulting" tədqiqat şirkəti "Amazon Alexa", "Google Assistant", "Apple Siri" və "Samsung Bixby" kimi virtual köməkçilərə (virtual assistants, VA) malik qurğular bazarında kəskin artım proqnozlaşdırır. 2019-cu ildə belə qurğuların sayı 1 milyard səviyyəsində gözlənilir, 2023-cü ilə tədarük həcmi iki dəfədən çox artaraq 2,3 milyardı ötəcək.

23 İyul 2019
İT

“KaiOS” sistemi üçün “WhatsApp” messenceri istifadəyə verilib

Düyməli telefonlar üçün nəzərdə tutulan “KaiOS” əməliyyat sistemi “WhatsApp” proqramını dəstəkləməyə başlayıb.  

23 İyul 2019
İT

Kibercinayətkarlar “FaceApp” proqramının populyarlığından istifadə edirlər

“ESET” beynəlxalq antivirus şirkəti kibercinayətkarların “FaceApp” mobil əlavəsinin populyarlığından fırıldaqçılıq məqsədilə istifadə etməsi ilə bağlı xəbərdarlıq edib.