“Samsung” smartfonlar üçün yüksəksürətli operativ yaddaş modulları təqdim edib

“Samsung” smartfonlar üçün yüksəksürətli operativ yaddaş modulları təqdim edib
18 İyul 2019 16:10

“Samsung” şirkəti smartfonlar üçün “LPDDR5” standartlı operativ yaddaş çiplərinin kütləvi istehsalına başlayıb. On iki giqabaytlıq tutuma malik yeni modullar məlumatları yüksək sürətlə ötürməsi ilə seçilir və müxtəlif istehsalçılara məxsus müasir qabaqcıl qurğuların tərkibində iş üçün optimallaşdırılıb.

 

“ICTnews” Elektron Xəbər Xidməti “4PDA” resursuna istinadən yazır ki, yeni çiplər 10 nanometrlik texnoloji proses üzrə hazırlanıb. “LPDDR5” çiplərinin məlumat oxuma sürəti 5500 Mbit/saniyə təşkil edir ki, bu da “LPDDR4X” modullarından 1,3 dəfə sürətlidir. İstehsalçı nümayəndələrinin sözlərinə görə, belə modul 1 saniyə ərzində 44 giqabayt tutumlu məlumatı ötürə bilir. Bu isə “Full HD” təsvir ölçülü 12 filmə bərabərdir. Bundan başqa, yaddaşın enerji sərfiyyatı əvvəlki standartla müqayisədə 30 faiz azalıb. Yeni çiplərin süni intellekt alqoritmlərindən istifadə, yüksək dəqiqlikli videonun yazılması zamanı növbəti nəsil qabaqcıl smartfonların işinin səmərəliliyini, eləcə də mobil qurğuların avtonom işləmə vaxtını artıracağı gözlənilir.

 

Şirkət yeni tip operativ yaddaş istehsalını Cənubi Koreyadakı kampusuna köçürməyi planlaşdırır. Növbəti ildə 16 giqabaytlıq “LPDDR5” modullarının mümkün istehsalı nəzərdən keçirilir.

 

On iki giqabaytlıq yaddaş modulları ilə təchiz edilən ilk mobil qurğuların buraxılış tarixi hələ ki açıqlanmayıb.

Realpress.az


18 Mar 2022
İT

Rusiyada vatsap bloklana bilər

Vatsapın rusiyalı istifadəçiləri messencerin iş keyfiyyətindən şikayətlənirlər.

11 Mar 2022
İT

Rusiyada "Instagram" bağlana bilər

Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.

2 Mar 2022
İT

Niyə məhz “Apple” brendinin M1 çipi ilə təchiz edilmiş “MacBook Air” notbuku? – FOTO

Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir. 

5 Fev 2022
İT

Almaniya teleqramı 55 milyon avro cərimələyə bilər

Almaniya hökuməti teleqram messencerini 55 milyon avro cərimələyə bilər.

4 Fev 2022
İT

Milçəkdən ilhamlanan alimlər yeni tip həşərat-robot hazırlayıblar - VİDEO

Bristol Universitetinin mühəndisləri yeni tip qanad çırpan mikrorobotlar hazırlayıblar.