Braziliya hüquq-mühafizə və güc strukturlarının döyüş növləri üzrə təlimatçısı, ciu-citsu idman növü üzrə beş dəfə dünya çempionu olan Roys Qreys Azərbaycanda təşkil edilən ciu-citsu üzrə beynəlxalq seminarda iştirak edib.
Bu barədə Fövqəladə Hallar Nazirliyinin (FHN) İdman-sağlamlıq mərkəzindən məlumat verilib.
Səfər çərçivəsində, 22 iyulda mərkəzə gələn R.Qreys İdman-sağlamlıq mərkəzinin rəisi, polkovnik Füzuli Musayev və FHN Akademiyasının rəisi general-mayor Baba Salayevlə görüşüb.
O, Akademiya və İdman-sağlamlıq mərkəzinin kompleksi ilə yaxından tanış olub, Avropa Gənclər Yay Olimpiya Festivalı çərçivəsində kompleksində keçirilən Rusiya və Belarus komandaları arasındakı voleybol yarışına tamaşa edib.
Sonda qonağa İdman sağlamlıq mərkəzinin hədiyyələri təqdim edilib.
Qadın şahmatçılar arasında Avropa çempionatında IV turun oyunları keçirilib.
Azərbaycanın üç boksçusu Serbiyanın paytaxtı Belqradda keçirilən Avropa çempionatının beşinci günündə çıxışını qələbə ilə başa vurub.
Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatının ikinci günündə gümüş medal qazanıb.
