Bakıda keçirilən XV Avropa Gənclərinin Olimpiya Festivalı çərçivəsində güləş yarışı davam edir.
Realpress.az xəbər verir ki, Azərbaycan güləşçiləri yarışda uğurlu çıxışları ilə diqqət çəkirlər.
İyulun 21-də, ilk yarış günündə Murad Haqverdiyev (sərbəst güləş – 45 kq) və Fərid Sadıxlı (yunan-Roma – 45 kq) qızıl, Əbülfəz Nəsirov (sərbəst güləş – 55 kq) gümüş, Nihat Məmmədli (yunan-Roma – 55 kq) isə bürünc medala yiyələnib.
İkinci yarış günündə Qurban Qurbanov (yunan-Roma – 48 kq) və Həsrət Cəfərov (yunan-Roma – 60 kq) qızıl, Sabir Cəfərov (sərbəst güləş – 60 kq) gümüş, Mircavad Nəbiyev isə (sərbəst güləş – 48 kq) bürünc medal qazanıb.
Qadınlardan Gültəkin Şirinova (46 kq) və Mərziyə Sadıqova (61) gümüş medalla kifayətləniblər.
Bu gün isə 7 güləşçimiz EYOF-da mübarizəyə qoşulub.
Beləliklə, festivalın ilk iki günü 11 Azərbaycan güləşçisindən 10-u medal qazanıb.
Azərbaycan dörd qızıl, dörd gümüş və iki bürünc medalla medal sıralamasında liderliyini qoruyur.
Azərbaycanın idman gimnastı Nikita Simonov İtaliyanın Rimini şəhərində keçirilən Dünya Kubokunda final mərhələsinə vəsiqə qazanıb.
Bu gün Azərbaycanın 7 cüdoçusu Xorvatiyanın paytaxtı Zaqrebdə start götürəcək Avropa çempionatında mübarizəyə başlayacaq.
Azərbaycan bədii gimnastları Özbəkistanın paytaxtı Daşkənddə keçiriləcək Dünya kubokunda iştirak edəcəklər.