YAY AYLARINDA DİAREYA.

YAY AYLARINDA DİAREYA.
09 Avq 2019 17:55

YAY AYLARINDA DİAREYA.

Beləliklə, çoxdan gözlənilən yay gəldi - məzuniyyət vaxtı, digər ölkələrə səyahət, təbiətin qoynunda dincəlmək, dəniz və hovuzda çimmək, günün altında qaralmaq... Ancaq belə bir dövrdə, müsbət və unudulmaz təəssüratların xaricində, məzuniyyətinizi poza biləcək bəzi çətinlikləri yadda saxlamaq lazımdır. Onlardan biri diareyadır.

Yay aylarında diareyanın səbəbləri. Xəstəliyin ortaya çıxmasına səbəb olan viruslar, bakteriyalar və parazitlərin nəm və artan temperaturda daha asan yayıla bilir. Həmçinin, qidaların uyğun şəraitdə saxlanılmaması, daha tez xarab olması, hovuz və dəniz suyunun içilməsi, qidaların lazımi qaydada təmizlənməməsi, ya da təmiz su ilə yuyulmaması kimi bir çox əlavə təsirlər də yayda ishalın olmasına səbəb yaradır.

Buna görə də, yay aylarında diqqətli olmaq və belə xoşagəlməz faktorların mümkün mənbələrindən qaçmaq lazımdır, xəstəliyin qarşısını ala bilmədikdə isə əziyyət çəkən orqanizmə vaxtında və düzgün şəkildə yardım göstərmək lazımdır.

Həkimə getməzdən öncə nə etmək olar?

İshalın səbəbindən asılı olmayaraq ilk növbədə müəyyən pəhriz saxlanılmalıdır. Çoxlu miqdarda maye içilməlidir, çünki ishal zamanı orqanizm çoxlu maye itirir. Mikrofloranı bərpa etmək üçün probiotiklərdən istifadə olunur, çünki ishal zamanı bağırsaqların mikroflorası pozulur. Faydalı bakteriyaların (probiotiklərin) istifadəsi ishalın kəskinliyini və onun davametmə müddətini azaldır. Reseptsiz buraxılan diareyaəleyhinə dərman vasitələrinin həddən ziyadə istifadəsindən qaçmaq lazımdır. Nəzərə alın ki, diareya varsa bu o deməkdir ki, nəcis irfazının tezləşməsi yolu ilə orqanızm onu yarada biləcək səbəbləri (virus, köhnə qida və s.) xaric etməyə çalışır. Qəbul edilən diareyaəleyhinə dərman maddələri isə bu prosesi ləngidir.

İshalın qarşısını almaq mümkündürmü?

1.Yeməkdən əvvəl əllər mütləq yuyulmalıdır.

2.Uşaqların bezləri dəyişdirildikdən və ya tualetdən sonra əllər mütləq yuyulmalıdır.

3.Meyvə-tərəvəzlər təmiz su ilə yuyulmalıdır.

4.Günəş altında satılan və son istifadə tarixi keçmiş olan qidalardan qətiyyən istifadə etmək olmaz.

5.Təhlükəsizliyindən və təmizliyindən əmin olmadığınız qida məhsullarını yeməyin və suyu içməyin.

Materialda əks olunmus məlumatlar müxtəlif qaynaqlardan, o cümlədən elmi-populyar məqalələr, internet materialları, rəsmi hesabatlar və s. əldə olunmuş, ümumiləşdirilmiş, tərcümə edilmiş və sistemləşdirilmişdir.

Materiallardan istifadə olunduqda www.kanonaptek.az saytına istinad olunma mütləqdir.

Realpress.az


8 Dek 2021
Səhiyyə - Sağlamlıq

Şəkərli diabet xəstələrinə verilən insulinlərin miqdarı azaldılıb? - AÇIQLAMA

Ölkədə şəkərli diabet xəstələrinin dərmanlarla təminatında ciddi problemlər var.

6 Dek 2021
Səhiyyə - Sağlamlıq

Qanda hemoqlobini artırmaq üçün vasitələr açıqlandı

Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.

3 Dek 2021
Səhiyyə - Sağlamlıq

Qəhvənin gözlər üçün gözlənilməz faydası açıqlanıb

İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.

20 May 2021
Səhiyyə - Sağlamlıq

Dəri xərçənginin qarşısını almaq mümkündür!

24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.   

3 May 2021
Səhiyyə - Sağlamlıq

Hamiləlik - sağlam başlanğıcın təməli

Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.