“Formula 1 jurnalistlərin gözü ilə” müsabiqəsinə start verilir

“Formula 1 jurnalistlərin gözü ilə” müsabiqəsinə start verilir
28 Okt 2016 16:13

Bakı Şəhər Halqası Əməliyyat Şirkəti (BŞH) noyabrın 1-də sayca ikincisi olan “Formula 1 jurnalistlərin gözü ilə” adlı məqalə müsabiqəsinə start verir.

BŞH-dan Realpress-a verilən məlumata görə, müsabiqənin keçirilməsində əsas məqsəd bu ildən etibarən Bakıda keçirilən “Formula 1” yarışına jurnalistlərin marağını cəlb etmək və bütövlükdə ölkə ictimaiyyəti arasında motoridman yarışının bu növü haqqında məlumatlılığı artırmaqdır.

BŞH-nın Marketinq və Kommunikasiya üzrə rəhbəri Nigar Arpadarai jurnalistləri müsabiqədə fəal iştiraka dəvət edir:

“Bu il Bakı ilk dəfə Formula 1 Avropa Qran Prisinə ev sahibliyi etmişdir və bu dünya əhəmiyyətli bir yarışı izləmək və işıqlandırmaq jurnalistlərimiz üçün nadir bir fürsət olmuşdur. Fürsətdən istifadə edərək mən bütün jurnalistləri bu müsabiqədə fəal iştirak etməyə səsləyirəm və inanıram ki, ölkə ictimaiyyəti bu məqalələr sayəsində “Formula 1” yarışına yaxından bələd olacaqlar.

Bu da öz növbəsində, ölkəmizdə motoridman azarkeşlərinin sıralarını daha da genişləndirəcək”.

Dekabrın 25-dək davam edəcək müsabiqədə vətəndaşlığından asılı olmayaraq, Azərbaycanda yaşayan və ya işləyən 21 yaşını tamamlamış bütün çap və internet media nümayəndələri iştirak edə bilərlər.

Müsabiqənin nəticələri 14 yanvar 2017-cü il tarixində elan olunacaq və müsabiqənin qalibi 2017-ci il “Formula 1” yarış mövsümü öncəsi Barselonada keçiriləcək sınaq yürüşlərini izləmək üçün İspaniyaya səyahət üçün bilet qazanacaq.

İştirakçılar, həmçinin qiymətli hədiyyələr və sertifikatlarla mükafatlandırılacaqlar.

Məqalə müsabiqəsi haqqında daha ətraflı məlumatı bu keçiddən www.bakucitycircuit.com/az/media/xbrlr/202/formula-1-through-the-journalists-eyes əldə edə bilərsiniz.


25 Noy 2022
İdman

Azərbaycan gimnastları Bolqarıstanda keçirilən yarışda mükafatlar qazanıblar

Noyabrın 24-də Azərbaycan gimnastları Tofiq Əliyev və Maqsud Maxsudov 23-26 noyabr tarixlərində Sofiyada (Bolqarıstan) keçirilən batut və tamblinq gimnastikası üzrə yaş qrupları arasında Ümumdünya yarışında mükafatlar qazanıblar.

15 Noy 2022
İdman

Azərbaycan ağırlıqqaldıranı beynəlxalq turnirdə bürünc medal qazanıb

Noyabrın 15-17-si tarixlərində Türkiyənin paytaxtı Ankarada keçirilən ağır atletika üzrə üçqat Olimpiya çempionu Naim Süleymanoğlunun xatirəsinə həsr olunmuş beynəlxalq turnir start götürüb.

14 Noy 2022
İdman

Azərbaycanın yeddi boksçusu beynəlxalq turnirdə finala çıxıb

Polşanın Keltse şəhərində boks üzrə keçirilən beynəlxalq turnirdə yarımfinal mərhələsinə yekun vurulub.

11 Noy 2022
İdman

“Qarabağ” dünya reytinqində səkkiz pillə irəliləyib

Beynəlxalq Futbol Tarixi və Statistikaları Federasiyası (IFFHS) klubların yeni dünya reytinqini açıqlayıb.

11 Noy 2022
İdman

Erməni boksçu Azərbaycan təmsilçisi ilə döyüşə çıxmadı

Polşanın Keltse şəhərində boks üzrə beynəlxalq turnir davam edir. 16 ölkənin qatıldığı yarışın ikinci günündə Azərbaycan millisinin daha 3 üzvü mübarizəyə qoşulub.