Deputat: İşıq və qazın bahalaşması işsizliyin artmasına səbəb olacaq

Deputat: İşıq və qazın bahalaşması işsizliyin artmasına səbəb olacaq
30 Noy 2016 15:49

“Elektrik enerjisi və qazın qiymətinin qaldırılması ölkədə işsizliyin sayının artmasına təkan verəcək”.

REALPRESS.Az Modern.az-a istinadən xəbər verir ki, bu sözləri deputat, Həmkarlar İttifaqları Konfederasiyasının sədri Səttar Möhbalıyev parlamentdə 2017-ci ilin büdcə layihəsinin müzakirəsi zamanı deyib.

Deputat bildirib ki, artıq bununla bağlı iş adamları ona müraciət edib və gələcək fəaliyyətlərində ciddi problemin olacaqlarını dilə gətiriblər.

“Misal üçün bir şəxs iki hektara yaxın istixanasının olduğunu və təkcə indiyədək ayda enerji daşıyıcılarına 25 min manatadək vəsait xərclədiyini bildirdi. Bundan sonra isə bu xərclər iki dəfə artaraq 50 min manat edəcək. İş adamı da nəticədə fəaliyyətini dayandıracaq və işçiləri ixtisara salacaq. Bu da işsizliyin artmasına səbəb olacaq. Onlar hara gedəcək?!”.

Səttar Möhbalıyev xəstəxanaların özəlləşməsi ilə bağlı məsələyə də münasibət bildirib:

“Ən azından işçilərə alternativ iş yeri təklif olunmalıdır. Onlar iş yerləri ilə təmin olunmalıdır ki, sonra müəssisə özəlləşdirilməyə çıxarılsın. Bu gün özəlləşdirilməyə çıxarılacaq kifayət qədər istifadəsiz müəssisələr var, qoy onlar öncə çıxarılsın. SOCAR-a məxsus yetərincə istifadəsiz istirahət mərkəzləri var. Qoy onlar çıxarılsın. Müəssisə özəlləşən zaman insan amili öndə olmalıdır”.


3 Mar 2021
İqtisadiyyat

Azəri-Çıraq-Günəşli və Şahdəniz yatağından əldə edilən gəlir açıqlandı

Azərbaycan Respublikası Dövlət Neft Fondu 2021-ci ilin yanvar-fevral ayları ərzində Azəri-Çıraq-Günəşli və Şahdəniz yataqları üzrə ümumi 578 milyon ABŞ dollarına yaxın gəlir əldə edib.

2 Mar 2021
İqtisadiyyat

Neft qiymətlərinin kəskin dəyişməsi Azərbaycanın mənfəətinə necə təsir edir? - AÇIQLAMA

Neft son həftələr ərzində sürətli şəkildə bahalaşdı və bu proses özü ilə birgə bazarda nikbin proqnozların artmasına da səbəb oldu. Lakin, nəzərə alsaq ki, neft qiymətləri özünün dəyişkənlik dinamikasına görə fərqlənir, onun qiymətinin yenidən aşağı səviyyəyə enməsi istisna hal deyil.