İlham Əliyev: “Azerspace-2”nin orbitə çıxarılması Azərbaycanda kosmik sənayenin inkişafında yeni mərhələnin təməlini qoyacaq

İlham Əliyev: “Azerspace-2”nin orbitə çıxarılması Azərbaycanda kosmik sənayenin inkişafında yeni mərhələnin təməlini qoyacaq
29 Noy 2016 11:45

Azərbaycan Prezidenti İlham Əliyev “Bakutel-2016” XXII beynəlxalq telekommunikasiya və informasiya texnologiyaları sərgi və konfransının iştirakçılarına müraciət edib.

Müraciətdə deyilir: “Hörmətli sərgi və konfrans iştirakçıları! Sizi – “Bakutel-2016” XXII beynəlxalq telekommunikasiya və informasiya texnologiyaları sərgi və konfransının iştirakçılarını Bakı şəhərində ürəkdən salamlayır, hər birinizə gələcək işlərinizdə uğurlar diləyirəm.

Xəzərətrafı regionda telekommunikasiya və informasiya texnologiyaları üzrə ən nüfuzlu tədbirə çevrilmiş bu ənənəvi sərgi və konfrans, bir qayda olaraq, ölkəmizin, eləcə də dünyanın bir sıra dövlətlərinin və aparıcı şirkətlərin yüksək texnologiyalar sahəsində ən son nailiyyətlərinin təqdim edildiyi məkan rolunu oynayır”.

Dövlət başçısı qeyd edib ki, bu gün davamlı tərəqqi dövrünü yaşayan Azərbaycanda yüksək texnologiyalar sahəsinin inkişafı prioritet istiqamət kimi müəyyənləşdirilib: “Müasir texnologiyalardan lazımınca yararlanmaq üçün ölkəmizdə əlverişli şərait yaradılmış, cəmiyyətin gündəlik həyat fəaliyyətinin tərkib hissəsi olan internetə yüksəksürətli çıxış və ondan sərbəst istifadə imkanı təmin edilmişdir. Hazırda rəqəmli televiziya yayımı həyata keçirilməkdədir. Dövlət idarəçiliyində müasir metodlar və texnoloji yeniliklər sayəsində “elektron hökumət” sisteminin tətbiqi genişlənmişdir”.

İlham Əliyev bildirib ki, texnologiya parklarının fəaliyyətə başlaması, qabaqcıl texnologiyaların bütün sahələrdə tətbiqi, istehsal və investisiyayönümlü innovativ layihələrə dövlət dəstəyi, o cümlədən güzəştli maliyyə təminatı respublikamızda təşəkkül tapmaqda olan startapların inkişafına, gənclərin təşəbbüskarlığının artmasına və nəticə etibarilə iqtisadiyyatımızın dinamik yüksəlişinə xidmət göstərir:

“Azerspace–1” və “Azersky” peykləri dünya kosmik ailəsində ölkəmizin layiqli yer tutmasını təmin etmişlər, eyni zamanda, regionun peyk xidmətləri ilə təchizatında da onların mühüm rolu vardır. Ümidvaram ki, növbəti telekommunikasiya peykimiz “Azerspace–2”nin orbitə çıxarılması Azərbaycanda kosmik sənayenin inkişafında yeni mərhələnin təməlini qoyacaqdır.

İnanıram ki, sərgi və konfrans çərçivəsində keçirəcəyiniz səmərəli görüşlər, müzakirə edəcəyiniz aktual məsələlər yeni təşəbbüslərin meydana çıxmasına və gerçəkləşməsinə, qarşılıqlı əlaqələrin daha da dərinləşməsinə öz töhfəsini verəcəkdir”.


13 Apr 2021
Siyasət

İlham Əliyev Azərbaycan üzərindən Ermənistana qazın nəql edilməsindən DANIŞDI

Prezident İlham Əliyev ADA Universitetində keçirilən “Cənubi Qafqaza yeni baxış: münaqişədən sonra inkişaf və əməkdaşlıq” konfransında Azərbaycan ərazisindən Ermənistana qaz nəql olunmasından danışıb. 

13 Apr 2021
Siyasət

İlham Əliyev: “Ermənistanda Azərbaycanın davranışını dəyərləndirə bilmirlər”

“Biz yaşlı ermənini müalicə etdirdik. Sonra qərara aldıq ki, onu Ermənistana qaytaraq. Ancaq Ermənistan onu qəbul etməkdən imtina etdi. Ermənistanda Azərbaycanın bu davranışlarını dəyərləndirirlərmi? Mən bu suala “yox” cavabını verirəm”. 

13 Apr 2021
Siyasət

Prezident: “Ermənistanın atdığı addımlar sülhə yönəlməmişdi”

“Azərbaycan həmişə münaqişənin həll edilməsində maraqlı olub, çünki münaqişədən əziyyət çəkən tərəf idik. Azərbaycanın mövqeyi konstruktiv olub”. 

13 Apr 2021
Siyasət

İlham Əliyev: “Ermənistan hökuməti istəmirdi ki, əcnəbilər Dağlıq Qarabağ ətrafındakı rayonlara getsinlər”

Prezident İlham Əliyev ADA Universitetində keçirilən “Cənubi Qafqaza yeni baxış: münaqişədən sonra inkişaf və əməkdaşlıq” adlı konfransda Ermənistanın işğal müddətində Azərbaycanın torpaqlarında dəhşətli dağıntılar törətdiyini bildirib. 

13 Apr 2021
Siyasət

İlham Əliyev postkonflikt dövrünü nəzərdən keçirmək üçün vacib faktı xatırlatdı

“Müharibədən sonrakı dövr də çox həssasdır. Düzdür, atəşkəs rejimi qorunur, lakin hələ də postmüharibə dövründəki inkişafla bağlı çoxlu suallar var. Bu konfransın da mövzusu postkonlikt dövründə inkişaf və əməkdaşlıqla bağlıdır”.