Komissiya sədri: O xəstələr ölkədən kənara göndərilir ki...

Komissiya sədri: O xəstələr ölkədən kənara göndərilir ki...
29 Noy 2016 16:34

REALPRESS.AZ TREND.AZ -a istinadən xəbər verir ki,

Səhiyyə Nazirliyi Vətəndaşların respublikadan kənar müalicəyə göndərilməsi üzrə Komissiyanın qərarı ilə son 2 ildə xaricə göndərilən xəstələr qrup şəklində kurs müalicəsi alanlardır.

Trend-in məlumatına görə, bunu Vətəndaşların respublikadan kənar müalicəyə göndərilməsi üzrə Komissiyanın sədri Nəsib Quliyev deyib.

Onun sözlərinə görə, müalicə üçün xaricə göndərilən uşaqlar mərkəzi sinir sisteminin zədələnmələri, xüsusilə serebral iflic diaqnozu qoyulanlar olur.

N.Quliyev əlavə edib ki, belə uşaqlar qrup şəklində Türkiyədə fəaliyyət göstərən uşaq reabilitasiya mərkəzinə göndərilirlər.

Komissiya sədrinin sözlərinə görə, böyüklər arasında spinal, yəni onurğa beyni zədələnmiş xəstələr Krıma göndərilirdi. Lakin ora ilə yeni müqavilə olmadığından böyüklər hazırda Türkiyəyə göndərilirlər.

N.Quliyev qeyd edib ki, Azərbaycanda xəstələrin ölkədən kənara göndərilməsinə heç bir obyektiv tibbi göstəriş yoxdur. Çünki Azərbaycanda ürəyin köçürülməsi əməliyyatından başqa bütün xəstəliklər üzrə müayinə və müalicələr aparılır: “Komissiyanın əsasnaməsində yazılıb ki, obyektiv səbəbdən konkret xəstəliyin ölkə daxilində müalicəsi mövcud deyilsə, həmin xəstəni ölkədən kənarda müalicəyə göndərə bilərik. Ancaq bəzən insanlarda irsi xəstəlik olur və onun müalicəsinin xaricdə aparılması üçün müraciət edirlər. Amma unutmaq lazım deyil ki, irsi xəstəlik genlə ötürülür. Xəstəlik irsidirsə, onu müalicə etmək olmur. Komissiyanın problemləri orqan köçürmələri ilə bağlı olur. Komissiyaya bəzən müraciət edirlər ki, müəyyən orqanların köçürülməsi ilə bağlı yardım edilsin. Amma əsasnaməyə əsasən üzvlərin və toxumaların transplantasiyası, köçürülməsi və protezləşdirilməsi komissiyanın səlahiyyətinə aid deyil”.



25 İyun 2022
Cəmiyyət

Türkiyə Azərbaycana kərə yağı ixracını 34 dəfə artırıb

Bu ilin ilk dörd ayında Azərbaycan xaricdən 37,165 milyon ABŞ dolları dəyərində 6 min 848 ton kərə yağı alıb.

25 İyun 2022
Cəmiyyət

Bakıdan Füzuliyə yola düşən ilk müntəzəm sərnişin avtobusu mənzil başına çatıb - YENİLƏNİB + FOTO

Bakı-Füzuli istiqamətində yola düşən ilk müntəzəm sərnişin avtobusu mənzil başına çatıb.

25 İyun 2022
Cəmiyyət

Hərbi xidmətə çağırılanların NƏZƏRİNƏ

Azərbaycan Respublikasında 2022-ci ilin iyul ayında müddətli həqiqi hərbi xidmətə göndəriləcək çağırışçılar Silahlı Qüvvələr üzrə xidmət yerlərinə təyinatla bağlı Səfərbərlik və Hərbi Xidmətə Çağırış üzrə Dövlət Xidməti (SHXÇDX) tərəfindən iyunun 25-də SMS vasitəsilə məlumatlandırılıblar.

25 İyun 2022
Cəmiyyət

Sabah yağış yağacaq, şimşək çaxacaq

Azərbaycan ərazisində iyunun 26-da gözlənilən hava şəraiti haqda proqnoz açıqlanıb.

25 İyun 2022
Cəmiyyət

“Qarabağ” bu gün Rumıniya klubu ilə oynayacaq

Azərbaycan çempionu “Qarabağ” bu gün təlim-məşq toplanışında olduğu Avstriyada ilk yoxlama oyununu keçirəcək.