Vitali Rəhimov: Medalımı heç kimə verən deyiləm

Vitali Rəhimov: Medalımı heç kimə verən deyiləm
18 Noy 2016 17:05

“Şokdayam. Nə məsələ olduğunu özüm də bilmirəm”.

REALPRESS.Az-ın xəbərinə görə, bunu açıqlamasında Azərbaycanın yunan-Roma güləşçisi Vitali Rəhimov 2008-ci il Pekin Yay Olimpiya Oyunlarında qazandığı gümüş medaldan məhrum edilməsinə dair Beynəlxalq Olimpiya Komitəsinin (İOC) qərarını şərh edərkən deyib. 

V.Rəhimov məsələ ilə bağlı bu gün Milli Olimpiya Komitəsində (MOK) olduğunu bildirib: “Məndə dopinq tapıldığı deyilir. Səkkiz ildən sonra bu cür hadisə adamı şoka salır. Necə olur ki, o vaxtı tapılmayıb, indi tapılır?”.

V.Rəhimov görüş zamanı ona məsələnin izah edildiyini, ancaq qərarla razılaşmadığını söyləyib:

“Dopinqlə bağlı qərarları Ümumdünya Antidopinq Agentliyi verir. Mən MOK-da dopinq şöbəsinin əməkdaşları ilə görüşdüm. Onlar məsələni izah etdilər. Ancaq məndə necə dopinq ola bilər? Dopinq var idisə, niyə o zaman yoxlanışlarda çıxmayıb? Dəfələrlə dopinq-testdən keçmişəm. 2008-ci ildən sonra nə qədər yarışlarda iştirak etmişəm. Bu, çox çirkin addımdır. MOK WADA-nın bu qərarına müdaxilə, etiraz edə bilmir. Çünki qaydalar var. Ancaq Azərbaycan Güləş Federasiyası etiraz edə bilər. Mən nə medalımı verəcəyəm, nə də diplomumu. Çünki o, mənimdir və həmin medalı özüm əziyyətlə qazanmışam. Heç kimə verən deyiləm”.

60 kq çəki dərəcəsində olimpiya mükafatçısı olmuş pəhləvan Azərbaycan Güləş Federasiyasında da görüş keçirəcəyini bildirib: “Necə olacağı ilə bağlı hələ nəsə deyə bilmərəm. Amma mən medalımı vermək istəmirəm. Məndə dopinq olmayıb, ola da bilməz. Olmayan şeylə necə razı olum? Qərarı dünən bildim. Federasiyaya məktub göndərməlidirlər. Bundan sonra federasiya öz addımını atacaq. Tezliklə rəhbərliklə görüşəcəyik. O zaman məsələnin necə olacağına dair qərar veriləcək”.

Qeyd edək ki, Vitali Rəhimov 2008-ci il Pekin Yay Olimpiya Oyunlarında 60 kq çəki dərəcəsində çıxış edib. Onun dopinq-testinin təkrar analizi nəticəsində orqanizmindən istifadəsi qadağan olunmuş dehidroxlormetiltestosteron (Turinabol) preparatı aşkarlanıb. Artıq karyerasını başa vurmuş güləşçi, Beynəlxalq Olimpiya Komitəsinin qərarına əsasən, gümüş medal və diplomunu geri qaytarmalıdır. Medalın kimə veriləcəyini isə Dünya Güləş Birliyi müəyyənləşdirəcək.


6 Dek 2022
İdman

Azərbaycanlı idmançının Ermənistanın bir nömrəsinə 5:0 hesabı ilə qalib gəldiyi döyüş - VİDEO

Azərbaycanlı idmançı Rafiz Həsənov 24-27 noyabr tarixlərində Moskvada keçirilən karate üzrə açıq çempionatda Ermənistanın karate üzrə 1 nömrəsi David Mikiyanı 5:0 hesabı ilə məğlub edib.

25 Noy 2022
İdman

Azərbaycan gimnastları Bolqarıstanda keçirilən yarışda mükafatlar qazanıblar

Noyabrın 24-də Azərbaycan gimnastları Tofiq Əliyev və Maqsud Maxsudov 23-26 noyabr tarixlərində Sofiyada (Bolqarıstan) keçirilən batut və tamblinq gimnastikası üzrə yaş qrupları arasında Ümumdünya yarışında mükafatlar qazanıblar.

15 Noy 2022
İdman

Azərbaycan ağırlıqqaldıranı beynəlxalq turnirdə bürünc medal qazanıb

Noyabrın 15-17-si tarixlərində Türkiyənin paytaxtı Ankarada keçirilən ağır atletika üzrə üçqat Olimpiya çempionu Naim Süleymanoğlunun xatirəsinə həsr olunmuş beynəlxalq turnir start götürüb.

14 Noy 2022
İdman

Azərbaycanın yeddi boksçusu beynəlxalq turnirdə finala çıxıb

Polşanın Keltse şəhərində boks üzrə keçirilən beynəlxalq turnirdə yarımfinal mərhələsinə yekun vurulub.

11 Noy 2022
İdman

“Qarabağ” dünya reytinqində səkkiz pillə irəliləyib

Beynəlxalq Futbol Tarixi və Statistikaları Federasiyası (IFFHS) klubların yeni dünya reytinqini açıqlayıb.