Hindistanın şimalında yerləşən Uttarakhand ştatında üç gündür ki, davam edən güclü leysan yağışları torpaq sürüşmələrinə və daşqınlara səbəb olub.
"Business Standard" qəzetinə istinadən verdiyi məlumata görə, leysan yağışlarının törətdiyi fəsadlar nəticəsində azı 42 nəfər həlak olub, onlarla insan itkin düşmüş sayılır.
Bildirilir ki, ştatın hakimiyyəti xilasetmə əməliyyatlarında iştirak etmələri üçün ölkənin Silahlı Qüvvələrinə müraciət edib.
Qeyd edilir ki, musson yağışları ölkənin cənubunda da davam edir. "Deccan Herald" qəzetinin ötən gün verdiyi məlumata əsasən, cənub-qərbdə yerləşən Kerala ştatında 38 nəfər həlak olub.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
