“Əyani tədris bərpa olunandan indiyə kimi Bakı Dövlət Universitetində (BDU) yeddi qrup üzrə dərslər onlayn formada keçirilir”.
Bu barədə realpress.az-ın sorğusuna cavab olaraq, BDU-nun mətbuat katibi Günel Orucəliyeva bildirib.
Onun sözlərinə görə, 2021/22-ci tədris ilinin payız semestrində Bakı Dövlət Universitetinin bütün fakültələrində tədris növbəli şəkildə hibrid formada - mühazirələr həftədə iki gün olmaqla “BLACKBOARD” elektron təhsil sistemi üzərindən onlayn, məşğələ və laboratoriya dərsləri isə həftədə üç gün olmaqla əyani (ənənəvi) şəkildə təşkil olunur:
“Ənənəvi şəkildə tədris “Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları”nın tələblərinə ciddi riayət olunmaqla həyata keçirilir.
BDU-nun ərazisində fəaliyyət göstərən poliklinikanın həkimləri ənənəvi tədris prosesinə cəlb olunublar. Onlar müəllim və tələbələrinin sağlamlığına müntəzəm olaraq nəzarət edirlər”.
“Bu günədək BDU-da təhsilalanlar arasında hər qrupda bir nəfər olmaqla yeddi müxtəlif qrupda COVID-19 virusu aşkarlandığı üçün bütün dərslər 14 gün müddətinə onlayn formaya keçirilib”, - deyə o qeyd edib.
Əlahiddə Ümumqoşun Ordunun (ƏÜO) Hərbi Hava Qüvvələrində taktiki-xüsusi təlim keçirilib.
Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı və Sahibkarlığın İnkişafı Fondu, İstehlak Mallarının Ekspertizası Mərkəzi və Sahibkarlar Konfederasiyasının tərəfdaşlığı ilə Qazaxda Aqrar Biznes Festivalı keçirilib.
“2014-cü ildən başlayaraq təhsil sistemində olimpiadalara yeni yanaşma tətbiq olundu. Sonrakı mərhələdə istedadlı uşaqların müəyyənləşdirilməsi istiqamətində işlər davam etdirildi”.
