“Anadolu” agentliyi Ərdoğanın Füzuli səfəri ilə bağlı reportaj hazırladı - FOTO

“Anadolu” agentliyi Ərdoğanın Füzuli səfəri ilə bağlı reportaj hazırladı - FOTO
25 Okt 2021 16:22


Sabah Azərbaycanın işğaldan azad edilmiş ərazilərində inşa edilən ilk hava limanının açılışı olacaq. Açılış mərasimində Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan iştirak edəcəklər. Füzuli Beynəlxalq Hava Limanına enən ilk xarici dövlət başçısı Türkiyə Prezidenti Rəcəb Tayyib Ərdoğan olacaq.

Bu barədə Türkiyənin nüfuzlu “Anadolu” agentliyində dərc edilən yazıda qeyd olunub.

Yazıda bildirilib ki, 2021-ci il yanvarın 14-də təməli Prezident İlham Əliyev tərəfindən qoyulan Füzuli Beynəlxalq Hava Limanı səkkiz ay ərzində ən yüksək beynəlxalq standartlara uyğun inşa etdirilib. Hava limanına ilk sınaq uçuşu 22 avqustda həyata keçirilib.

Məqalədə xüsusi olaraq vurğulanıb ki, Füzuli Beynəlxalq Hava Limanının uçuş-enmə zolağının uzunluğu 3000 metr, eni isə 60 metrdir. Terminal saatda 200 sərnişinə xidmət göstərmək gücünə malikdir. Bütün təyyarələr, o cümlədən iri yük təyyarələri Füzuli Beynəlxalq Hava Limanından asanlıqla istifadə edə biləcək. Avtomatik sistemlərlə təchiz edilmiş hava limanının tikintisində Türkiyə şirkətləri də iştirak edib.

Yazının yekununda qeyd olunub ki, beynəlxalq reyslərin də həyata keçiriləcəyi Füzuli Beynəlxalq Hava Limanı bununla da Qarabağın dünyaya açılan qapısı olacaq. Hava limanının bölgədə turizmin və ticarətin inkişafına töhfə verəcəyi gözlənilir. Qarabağın simvolik şəhəri olan Şuşaya gedən turistlər də Füzuli hava limanı vasitəsilə daşınacaq. Hava limanı Şuşadan təxminən 100 kilometr və paytaxt Bakıdan 300 kilometr aralıda yerləşir.


28 Mar 2024
Cəmiyyət

Sumqayıtda avtomobil yollarının təmirinə başlanılıb

Azərbaycan Avtomobil Yolları Dövlət Agentliyi Sumqayıt şəhərində avtomobil yollarının əsaslı təmiri ilə bağlı ölkə Prezidentinin Sərəncamına əsasən genişmiqyaslı təmir-tikinti işlərinə başlayıb.

28 Mar 2024
Cəmiyyət

Dövlət İmtahan Mərkəzi auditor seçir

Dövlət İmtahan Mərkəzi (DİM) 2023-2024-cü illər üzrə maliyyə hesabatlarının auditi üçün kotirovka sorğusu elan edib.

28 Mar 2024
Cəmiyyət

Sabah 20° isti olacaq

Mart 29-na gözlənilən hava proqnozu açıqlanıb.

28 Mar 2024
Cəmiyyət

Bu gecə ehtimal edilən ilk Qədr gecəsidir

Bu gecə Azərbaycanda Ramazan ayının ehtimal edilən ilk Qədr (əhya) gecəsidir.

28 Mar 2024
Cəmiyyət

Nazir: “Strateji sahələrin təmsilçilərinə təbriklərimizi çatdırırıq” - FOTO

İqtisadiyyat naziri Mikayıl Cabbarov Azərbaycan Respublikasının dövlət təhlükəsizliyi və xarici kəşfiyyat orqanları əməkdaşlarının peşə bayramları münasibəti ilə təbrik edib.