Azərbaycan Prezidenti İlham Əliyev Soçidə Rusiya və Ermənistan liderləri ilə danışıqlardan sonra tərəflər arasında hərtərəfli, səmimi söhbət olduğunu, planların açıq şəkildə müzakirə edildiyini bildirib.
“Bu gün bir çox məsələlərlə bağlı olduqca hərtərəfli, deyərdim ki, səmimi söhbət oldu. Biz planlarımızı, narahatlığımızı doğuran məsələləri açıq müzakirə etdik. Əsas odur ki, fikir ayrılıqlarının həllində verdiyimiz qərarlar təhlükəsiz və proqnozlaşdırıla bilən olacaq”, - deyə İlham Əliyev mətbuata açıqlamasında bildirib.
Dövlət başçısı vurğulayıb ki, Bakı İrəvanla uzunmüddətli qarşıdurmanı əks etdirən tarixin səhifəsini çevirməkdə qərarlıdır.
“Mən dəfələrlə demişəm ki, biz Azərbaycanda Ermənistanla uzunmüddətli qarşıdurma səhifəsini çevirməyə, normal qarşılıqlı fəaliyyət mərhələsinə qədəm qoymağa hazırıq”, - deyə Azərbaycan prezidenti danışıqlardan sonra bəyan edib.
İlham Əliyev əlavə edib ki, Moskva ilə Bakı arasında etimad münasibətlərinin səviyyəsi İrəvanla bir çox məsələlərdə həll yollarının tapılmasına töhfə verir.
“Bu formatda biz məqsədlərimizə nail oluruq. Rusiya Azərbaycan üçün dost və strateji tərəfdaşdır. Mən deyərdim ki, strateji tərəfdaşdan daha artıqdır. Azərbaycanla Rusiya arasında etimadın səviyyəsi ən həssas məsələlərdə Ermənistanla həll yollarını tapmaqda bizə yardım edir” – deyə İlham Əliyev qeyd edib.
Türkiyənin kosmosa səyahət edən ilk astronavtı Alper Gezeravcının Azərbaycana səfəri təşkil olunacaq.
Azərbaycan Prezidenti İlham Əliyev işğaldan azad edilmiş ərazilərin bərpasında göstərdiyi dəstəyə görə Qırğızıstana təşəkkür edib.
“Azərbaycanla Qırğızıstan arasında ticarət dövriyyəsinin artması tendensiyası mövcuddur”.
“Azərbaycan-Qırğızıstan İnkişaf Fondunun Nizamnamə fondu dörd dəfə - 100 milyon dollaradək artıb”.
Aprelin 24-də Azərbaycan Respublikasının Prezidenti İlham Əliyevin və Qırğız Respublikasının Prezidenti Sadır Japarovun iştirakı ilə Azərbaycan və Qırğızıstan Dövlətlərarası Şurasının 2-ci iclası keçirilib.
