Britaniya altı ölkəyə uçuşları dayandırır

Britaniya altı ölkəyə uçuşları dayandırır
27 Noy 2021 10:07


Böyük Britaniya altı Afrika ölkəsinə uçuşları dayandırır.

Bu barədə Birləşmiş Krallığın səhiyyə naziri Sajid Cavid “Twitter”də yazıb.

Buna səbəb Cənubi Afrika Respublikası, Namibiya, Lesoto Krallığı, Botsvana, Esvatini və Zimbabvedə koronavirusun yeni- B.1.1.529 ştammının tapılmasıdır.

Onun sözlərinə görə, sözügedən Afrika ölkələri qırmızı siyahıya daxil ediləcək və uçuşlar müvəqqəti olaraq dayandırılacaq.

Cavid bildirib ki, alimlər yeni ştammdan son dərəcə narahatdırlar.

Yeni variantın Delta tipindən daha yoluxucu ola biləcəyini deyən britaniyalı nazır mövcud vaksinlərin də bu varianta qarşı daha az təsirli ola biləcəyini qeyd edib.

Ölkənin Səhiyyə Təhlükəsziliyi agentliyi UKHSA da yeni variantla bağlı açıqlama verərək onu “gördüyümüz ən pis variant” adlandırıb.

Qeyd edək ki, “super variant” olaraq xarakterizə edilən B.1.1.529 ştammında 32 mutasiya var.

Mütəxəssislərin fikrincə, hazırkı vaksinlərin bu varianta qarşı effektiv olub-olmadığı hələlik məlum deyil. Varianta az rastlandığı üçün onun çox da yoluxucu olmayan ştamm olduğu ehtimal edilir.


29 Mar 2024
Dünya

“Crocus City Hall”da törədilən terror aktında xəsarət alanların sayı artdı

Rusiyada “Crocus City Hall”da martın 22-də törədilən terror aktında xəsarət alanların sayı 382 nəfərə çatıb.

29 Mar 2024
Dünya

Hərbi təyyarə dənizə düşdü

Sevastopol yaxınlığında hərbi təyyarə dənizə düşüb, lakin şəhərin mülki obyektlərinə ziyan dəyməyib.

29 Mar 2024
Dünya

Polşa Silahlı Qüvvələri Rusiyaya görə təyyarələri səmaya qaldırıb

Polşa Silahlı Qüvvələri Rusiya aviasiyasına görə təyyarələri səmaya qaldırdıqlarını açıqlayıb.