“Ötən gün Soçidə Azərbaycan Prezidenti İlham Əliyev, Ermənistanın baş naziri Nikol Paşinyan və Rusiya Prezidenti Vladimir Putinin imzaladığı üçtərəfli bəyanat ölkəmizin qarşısına qoyduğu məqsədlərə nail olduğunu bir daha göstərir”.
Bunu “Report”a açıqlamasında Milli Məclisin Əmək və sosial siyasət komitəsinin sədri, Yeni Azərbaycan Partiyası (YAP) İdarə Heyətinin üzvü Musa Quliyev deyib.
Onun sözlərinə görə, Soçi görüşü Azərbaycan-Ermənistan münasibətlərinin qısa müddətdə tənzimlənməsi və açıq qalan sualların cavablandırılması istiqamətində irəli atılan addımdır:
“Üçtərəfli görüşdən öncə Rusiya və Azərbaycan prezidentləri arasında görüşün baş tutması, Putinin yalnız üçtərəfli görüşdən sonra Paşinyanı qəbul etməsi, Azərbaycan Prezidentinin mövqeyinin hər hansı bir şərt irəli sürülmədən üçtərəfli sənəddə öz əksini tapması onu deməyə əsas verir ki, proseslər ölkəmizin istədiyi istiqamətdə gedir. Bu bir daha onu sübut edir ki, Azərbaycan qarşısına qoyduğu məqsədlərə nail olmaqdadır”.
Komitə sədri bildirib ki, ötən gün imzalanmış üçtərəfli bəyanata əsasən, tərəflər Azərbaycan-Ermənistan sərhədində sabitlik və təhlükəsizlik səviyyəsinin artırılması üzrə addımlar atacaq və Azərbaycan ilə Ermənistan arasında dövlət sərhədinin delimitasiyası, sonradan tərəflərin sorğusu əsasında Rusiyanın məsləhəti və yardımı ilə sərhədin demarkasiyası üzrə ikitərəfli komissiya yaradılacaq:
“Onu da xüsusi qeyd edim ki, bəyanatda “Dağlıq Qarabağ” ifadəsi yer almayıb. Bu isə o deməkdir ki, Rusiya və Ermənistan artıq “Dağlıq Qarabağ” ifadəsindən tamamilə imtina etməyə razılaşıblar. Görüşdə və bəyanatda ermənilərin səsləndirdikləri status məsələsi də yer almayıb. Deməli, status da Prezident İlham Əliyevin söylədiyi kimi, cəhənnəmə vasil olub”.
M.Quliyev xatırladıb ki, bəyanatda Azərbaycan, Ermənistan baş nazirlərinin müavinlərinin və Rusiya hökumətinin sədrinin müavininin birgə sədrliyi ilə regionda bütün iqtisadi və nəqliyyat əlaqələrinin bərpası üzrə təsis edilmiş Üçtərəfli İşçi Qrupun fəaliyyəti yüksək qiymətləndirilir, regionun iqtisadi potensialının üzə çıxarılması məqsədilə konkret layihələrin tezliklə həyata keçirilməsinin zəruriliyini vurğulanır:
“Bu isə Azərbaycanın qarşıya qoyduğu Zəngəzur dəhlizi məsələsinin tezliklə həll olunmasına ümidləri daha da artırır. İkitərəfli və üçtərəfli görüşdə, imzalanmış bəyanatda Rusiya Prezidentinin Azərbaycana müsbət münasibətini hiss edirdik. Putinin mətbuata bəyanatında dəfələrlə dəhliz ifadəsini işlətməsi isə Zəngəzur dəhlizi layihəsinin Rusiya tərəfindən də dəstəkləndiyini ortaya qoyur. Onu da vurğulayım ki, Soçidə Paşinyanın davranışları, kiçik nitqi bir daha onu göstərir ki, artıq öz məğlubiyyəti ilə barışıb. Yəqin ki, müəyyən müddətdən sonra Paşinyan bu məğlubiyyəti ölkəsinin ictimaiyyətinə açıqlamalı olacaq”.
Qırğız Respublikasının Prezidenti Sadır Japarovun Azərbaycan Respublikasına dövlət səfəri aprelin 25-də başa çatıb.
Aprelin 25-də Azərbaycan Respublikasının Prezidenti İlham Əliyev və Qırğız Respublikasının Prezidenti Sadır Japarov birgə nahar ediblər.
Prezident İlham Əliyev və Birinci vitse-prezident Mehriban Əliyeva Azərbaycanın ilk ombudsmanı Elmira Süleymanovanın dəfn mərasiminə əklil göndəriblər.
