Universal döyüş növü üzrə Türkiyənin Antalya şəhərində dünya çempionu olmuş Mehman Hüseynovun "Realpress.az"-a müsahibəsi
– 8-12 dekabrda keçirilmiş dünya çempionatında iştirak etmisiniz. Yarış barədə məlumat verərdiniz...
– Bu yarışda 32 idmançımız iştirak edirdi. Universal Döyüş Federasiyasının prezidenti Azər Həsənovun rəhbərliyi ilə ora yollanmışdıq. 32 ölkədən 600-700 idmançı mübarizə aparırdı.
Antalyadan 2 medalla qayıtmışam. Fərdi yarışlarda dörd döyüş keçirdim. Özbəkistan, Litva, Moldova və Ukrayna idmançıları ilə qarşılaşdım və bürünc medal qazandım. Komanda yarışlarında isə 6 ölkənin idmançılarına qarşı mübarizə apardıq. İran, Qazaxıstan, Özbəkistan, Moldova, Litva və Ukraynaya qalib gələrək dünya çempionu olduq. Ümumilikdə Azərbaycana 9 qızıl, 12 gümüş və 16 bürünc medalla qayıtdıq.
– Daha əvvəl hansı nəticələriniz olub?
– 5 dəfə Avropa ikincisi, 1 dəfə Avropa çempionuyam. 5 dəfə dünya mükafatçısı olmuşam, 1 dəfə isə Dünya Kubokunun sahibiyəm.
– Özünüz harada işləyirsiniz?
– Şirvan şəhərində fəaliyyət göstərən neft şirkətində usta vəzifəsində işləyirəm.
– Qarşıda hansı yarışınız var?
– Avropa çempionatı olacaq. Bu da Türkiyədə keçiriləcək.
– Bildiyimizə görə, özünüz həm də Vətən Müharibəsi iştirakçısınız. Bu barədə də fikirlərinizi öyrənək...
– Oktyabrın 9-da könüllü olaraq müharibəyə getmişəm. Kəlbəcər – Laçın istiqamətində döyüşlərdə iştirak etmişəm. Kəşfiyyat bölüyündə olmuşam.
“Azərbaycan Respublikasının Prezidenti İlham Əliyev 1992-ci ildə ermənilər tərəfindən törədilmiş Xocalı soyqırımı barədə demişdir: “Xocalı faciəsi erməni millətçilərinin yüzilliklər boyu türk və Azərbaycan xalqlarına qarşı apardığı soyqırımı və etnik təmizləmə siyasətinin qanlı səhifəsi idi”. Həqiqətən də XX əsrin sonunda törədilmiş bu qətliam sadəcə Azərbaycan xalqına deyil, əslində bütün bəşəriyyətə qarşı yönəlmiş ən ağır cinayətlərdən biridir.”
“Azərbaycan və Serbiyanın ümumi maraqları ilk növbədə ondan irəli gəlir ki, onlar öz tarixlərinin əhəmiyyətli hissəsini daha böyük dövlət ittifaqı çərçivəsində yaşamış iki müstəqil ölkədir: Azərbaycan SSRİ-nin tərkibində idi, Serbiya isə keçmiş Yuqoslaviya respublikalarından biri olub”.
Tovuzun "Turan” klubunun qurucusu və sabiq prezidenti Vidadi Əhmədovun "Realpress.az"a müsahibəsi
Rusiya prezidenti Vladimir Putinlə fransalı həmkarı Emmanuel Makron arasında son danışıqlardan sonra Fransa lideri Ermənistanda tənqid olunmağa başlayıb. Belə ki, erməni siyasi müşahidəçi Naira Ayrumyan qeyd edib ki, fevralın 4-də Azərbaycan Prezidenti İlham Əliyevin, Avropa İttifaqının sədri kimi Makronun özünün, Avropa Şurasının rəhbəri Şarl Mişel və Ermənistanın baş naziri Nikol Paşinyanın iştirakı ilə videokonfrans vasitəsilə keçirilən görüşdə Fransa rəhbəri ATƏT-in Minsk prosesi çərçivəsində Qarabağ üzrə danışıqların bərpasının zəruriliyindən bir kəlmə də danışmayıb.
Bu yaxınlarda Rusiya və Çin liderləri Vladimir Putin və Si Cinpin həm təhlükəsizlik təminatlarına, həm də xarici qüvvələrin suveren ölkələrin daxili işlərinə müdaxiləsinin yolverilməzliyinə aid birgə bəyanatı imzaladıqdan sonra məlum oldu ki, dünyada anti-Qərb strukturu qurulur.
