Nazirlikdən tenderlə bağlı iddialara CAVAB

Nazirlikdən tenderlə bağlı iddialara CAVAB
14 Yan 2022 15:19


“Elektron su təsərrüfatı” informasiya sisteminin (ESTİS) təkmilləşdirilməsi, sistemin müvafiq serverlərdə saxlanılması və mütəmadi texniki xidmətlərin göstərilməsi məqsədilə Ekologiya və Təbii Sərvətlər Nazirliyinin “Elektron Hökumətin İnkişafı Mərkəzi” publik hüquqi şəxslə bir il müddətinə bağladığı satınalma müqaviləsi ilə bağlı bəzi mənbələrdə səsləndirilən fikirlərə aydınlıq gətirilib.

Nazirliyin Ekoloji Siyasət şöbəsinin müdiri Faiq Mütəllimov realpress.az-a açıqlama verərək bildirib ki, mövcud hüquqi prosedurlardan xəbəri olmadan, məsələnin mahiyyətini öyrənmədən, dəqiqləşdirmədən əsassız ittihamların səsləndirilməsi ictimai fikirdə çaşqınlıq yaratmaqdan başqa bir şey deyil:

“Ölkə Prezidentinin 2021-ci il 13 fevral tarixli Fərmanı ilə təsdiq edilmiş “Elektron su təsərrüfatı” informasiya sisteminin Əsasnaməsinə uyğun olaraq ESTİS-in sahibi Ekologiya və Təbii Sərvətlər Nazirliyi, operatoru isə “ASAN xidmət”in tabeliyində olan “Elektron Hökumətin İnkişafı Mərkəzi” Publik Hüquqi Şəxsdir”.

F.Mütəllimov onu da qeyd edib ki, “Dövlət satınalmaları haqqında” Azərbaycan Respublikasının Qanununun 21.1.1-ci maddəsinə və İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin razılıq məktubuna uyğun olaraq ETSN kotirovka və tender sorğusu keçirmədən “Elektron Hökumətin İnkişafı Mərkəzi” ilə birbaşa müqavilə bağlaya bilər. 

Nazirliyin rəsmisi Dövlət satınalmalarının vahid internet portalının “Bağlanmış müqavilə haqqında məlumat” bölməsində də bu barədə müvafiq məlumatın dərc edildiyini bildirib.


28 Yan 2022
Cəmiyyət

Azərbaycanda dövləti 3 helikopteri satışa çıxardı - QİYMƏTLƏR

Martın 1-də İqtisadiyyat Nazirliyi yanında Əmlak Məsələləri Dövlət Xidməti tərəfindən keçiriləcək hərraca alıcıların diqqətini cəlb edə biləcək hava nəqliyyat vasitələri çıxarılacaq.

28 Yan 2022
Cəmiyyət

Azərbaycanda dini ziyarətgahlara verilən nəzirə nəzarət edəcək qurum məlum olub - EKSKLÜZİV

“Dini qurumlara ianə edilmiş pul vəsaitlərinin hər hansı bir formada təşkili və həyata keçirilməsini dövlət müəyyən edəcək. 

28 Yan 2022
Cəmiyyət

Xarici valyutaların manata qarşı məzənnələri

Azərbaycan Mərkəzi Bankı 28 yanvar tarixindən etibarən valyuta məzənnələrini açıqlayıb.

28 Yan 2022
Cəmiyyət

Tələbə köçürülmələri niyə olmayacaq? - Rəsmi açıqlama - VİDEO

Hər tədris ilində tələbələrin köçürülməsi iki dəfə həyata keçirilirdi.