Polşanın "Legiya" klubu daha əvvəl Azərbaycan yığmasından təklif almış futbolçu Ramil Mustafayevlə anlaşıb.
"Realpress.az" "Legia.net" nəşrinə istinadən xəbər verir ki, Jeşuv "Stal"ında çıxış edən 19 yaşlı müdafiəçi yeni klubunda tibbi müayinədən keçdikdən sonra müqaviləyə imza atacaq.
Rusiyanın Mahaçqala şəhərində anadan olmuş Mustafayev kiçik yaşlarında Polşaya köçüb. O, 2019-cu ildən "Stal"da çıxış edir. Bu mövsüm 13 oyuna 3 qol vuran sağ cinah müdafiəçisinin komandası hazırda Polşanın II Divizionunda liderdir. Mustafayevin "Legiya"nın əsas komandası ilə məşqlərə başlayacağı, amma onun oyunlarda iştirak etmə şansının az olduğu bildirilib. Onun Polşa vətəndaşlığı üçün müraciət edəcəyi də vurğulanıb.
Qeyd edək ki, müqavilə ilə "Legiya"ya məxsus olan və klubdan ayrılmaq istəyən Mahir Emreli komandanın təlim-məşq toplanışına qoşulmayıb. Türkiyəli hüquqşünas tapan hücumçu müqaviləsinin qarşılıqlı razılıq əsasında pozulmasına kömək istəyib. O, belə bir addımı atmasında "Legiya"nı günahlandırıb. Forvard azarkeşlərin məlum hücumu nəticəsində psixoloji zərbə aldığını deyərək, avtobus insidentindən sonra Varşava komandasında çıxışını davam etdirməsini qeyri-mümkün sayıb.
Azərbaycanın gənclər və idman naziri Fərid Qayıbov ABŞ-də fəaliyyət göstərən və təhsil alan azərbaycanlı idmançılar və tələbələrlə görüşüb.
Kişi voleybolçular arasında Azərbaycan çempionatının Yüksək Liqasında yarımfinal mərhələsinin növbəti oyunu keçirilib.
Honkonqda təşkil olunan Olimpiya Təsnifat turnirində qalib gələrək tarixi uğura imza atan Azərbaycanın qadınlardan ibarət 3x3 basketbol millisi Vətənə dönüb.
Bədii gimnastika üzrə Azərbaycan millisinin üzvləri Zəhra Cəfərova və Şəms Müvəffəgi Qırğızıstanın paytaxtı Bişkekdə keçirilən birinci “Kelechek” beynəlxalq turnirində yeddi qızıl medal qazanıblar.
Cüdo üzrə Bakı kəndləri birinciliyinin qaliblərininə Bakı Abadlıq Xidməti tərəfindən Azərbaycan istehsalı olan, keyfiyyətinə görə son illər gənclər arasında çox populyarlaşan “İSMA BİKES” velosipedləri və pul mükafatları təqdim olunub.
