Murovdağ və Kəlbəcər istiqamətində gedən döyüşlərdə fəal iştirak edən Vətən Müharibəsi veteranı Əli Həmidzadənin ailəsinin üzləşdiyi problemi işıqlandırıb.
Məlumatda Əli Həmidzadənin talassemiyadan əziyyət çəkən altı yaşlı oğlu Nihada dərhal sümük iliyi köçürülməsinə ehtiyacı olduğunu yazmışdıq.
Ancaq ailənin maddi durumu bu əməliyyatı həyata keçirməyə imkan vermir.
Uşağın anası Aytac Həmidzadə yenidən redaksiya ilə əlaqə saxlayaraq bildirib ki, Türkiyədə planlaşdırılan sümük iliyi transplantasiyası əməliyyatının dəyəri 80 min manat təşkil edir. Eyni əməliyyatı Azərbaycanda da keçirmək mümkündür, lakin məsələ burasındadır ki, Nihat bunun üçün növbəyə durmalıdır və hələlik donor da yoxdur. Belə olan halda qızıldan qiymətli vaxt gedir.
“Yardım prosesi dayandı və qiymətli vaxtımızı itirdiyimiz üçün çox narahatıq. Uşaq xəstəliyin təsiri altında böyüdükcə onun daxili orqanları və sümükləri daha çox deformasiyaya uğrayır. Bizə bir çox adam kömək etdi, onlara çox minnətdarıq. Bu dəstək bizə ümid verdi... Övladımızı itirmək istəməzdik. İnanıram ki, birgə səylərimiz nəticəsində oğlumuza kömək edə və tam məbləği toplayaraq onun əməliyyatına hazırlıq prosesinə başlaya bilərik. Axı, hələ qarşıda donor axtarışı və bir çox müayinələr var.
Əminəm ki, Nihad da böyüyəndə atası kimi Azərbaycanın mərd övladlarından biri olacaq. O, artıq böyük vətənpərvərdir. Onun vətənə, şəhidlərə və atasına həsr etdiyi şeirlərin videoları sosial şəbəkələrdə çoxlarını duyğulandırıb.
Keçən hər gün Nihadın vəziyyəti ağırlaşır, patoloji dəyişikliklər baş verir. Qaraciyəri və dalağı genişlənir. Zahiri görünüşü dəyişir, talassemiyalı insanlara xas olan əlamətlər - üzün genişlənməsi və başın arxasında çökəklik müşahidə edilir. Uşağın iştahı və qüvvəsi yoxdur, dərisinin rəngi saralır, gözlərinin altında qara dairələr var. Qanda hemoglobinin səviyyəsi aşağı düşən kimi ona dəstəkləyici dərmanlar veririk və bu zaman trombositlərin səviyyəsi azalır, fasilə verməli oluruq. Onun immuniteti zəifləyib, tez-tez xəstələnir. Bədən temperaturu yüksələndə qanın keyfiyyətinə pis təsir etdiyi üçün ona antipiretik dərmanlar verə bilmərik. Xahiş edirəm ailəmizə kömək edin! Bu həyatda uşağınızın xəstələnməsini seyr etməkdən daha pis bir şey yoxdur. Bütün xalqımızdan kömək istəyirəm, övladımın hamı kimi məktəbə getməsini və normal həyat yaşamasını istəyirəm”, - deyə Nihadın anası bildirib.
Xatırladaq ki, Nihad Həmidzadə 2017-cı ildən etibarən mütəmadi olaraq müalicə aldığı Respublika Talassemiya Mərkəzində qeydiyyatdadır.
Ancaq illər keçdikcə xəstəliyin fonunda onun bədənində geridönməz ciddi dəyişikliklər baş verir. Həkimlər yeganə çıxış yolunun sümük iliyi nəqlinin olduğunu söyləyirlər. Üstəlik, uşağın bədənində dəyişikliklər davam etdiyi üçün əməliyyatı mümkün qədər tez etmək lazımdır. Ailənin ikinci övladı olan qardaşının sümük iliyi Nihada uyğundur. Ancaq valideynlər ikinci övladlarının sağlamlığını təhlükəyə ata bilməzlər, çünki o, anadangəlmə hidrosefal xəstəliyindən əziyyət çəkir. Bu səbəbdən qarşıda Nihad üçün donor axtarışının aparılması gözlənilir. Amma əsas problem başqadır. Planlaşdırılan əməliyyat Türkiyədə baş tutacaq və bu əməliyyatın dəyəri təxminən 80 min manatdır. Ailə, bütün bu illər ərzində oğullarının müalicəsinə kifayət qədər çoxlu pul xərcləyib, buna görə də indi bu məbləğin yarısının da öhdəsindən gələ bilmir və insanların yardımına ümid edir.
Media.Az-ın redaksiya heyəti bu ailənin qarşılaşdığı çətin imtahana biganə qalmamağı, hər kəsi Vətən Müharibəsi veteranının ailəsinin probleminə diqqət etməyi və bacardığı qədər balaca Nihada kömək etməyə çağırır.
+994 70 564 36 96 nömrəsinə zəng etməklə Aytac xanımla telefon əlaqəsi yarada bilərsiniz.
Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin (AYNA) işğaldan azad olunmuş ərazilərə təşkil etdiyi müntəzəm avtobus reyslərinə may ayı üçün biletlər 26 aprel 2024-cü il saat 11:00-da satışa çıxarılacaq.
Malıbəylidə ən azı altı nəfərə aid olduğu ehtimal edilən sümük fraqmentləri aşkar edilib.
Dövlət İmtahan Mərkəzinin aprelin 28-də ali təhsil müəssisələrinin magistraturalarına keçirəcəyi qəbul imtahanında (II cəhd) 19716 bakalavr iştirak edəcək.
