“Biz tezliklə həm Rusiya, həm də Ukrayna liderləri ilə görüşlərin keçirilməsini istəyirik. Səylərimizin regionda gərginliyi azaldacağına ümid edirəm”.
"Realpress.az" xəbər verir ki, bu fikirləri Türkiyənin xarici işlər naziri Mövlud Çavuşoğlu mərkəzi afrikalı həmkarı Silviye Baipo-Temonla birgə keçirdiyi mətbuat konfransında deyib.
“Dialoqun davam etməyini istəyirik. Bir bəyanatla, bir sənədlə bütün problemlər həllini tapa bilməz. NATO Rusiya səfirinin geri çağırılmasını tələb edib. Beləliklə, gərginliyi azaldacaq addımlar ön plana çıxır. İkitərəfli əlaqələrimiz davam edir. Ərdoğan rusiyalı həmkarı ilə ötən il ərzində 10 dəfə telefonla, 1 dəfə üzbəüz söhbət edib. Mən isə Rusiyanın xarici işlər naziri Sergey Lavrovla 5 dəfə telefonla, 5 dəfə üz-üzə danışmışam. Həm Rusiya, həm də Ukrayna ilə yüksək səviyyəli əməkdaşlığımız var. Yəqin ki, Rusiya Prezidenti Vladimir Putinin Pekin Olimpiadasından sonra Türkiyəyə səfər barədə dəqiq tarixi açıqlanacaq”, - o vurğulayıb.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
