Türkiyənin gənclər və idman nazirinin müavini Halis Yunus Ersöz Azərbaycana təşəkkür edib.
o, İslam Əməkdaşlıq Gənclər Forumunun gənclər və idman sahələrində Daimi Nazirlər Şurasının 3-cü iclasının Bakıda təşkilinə görə Azərbaycana, gənclər və idman naziri Fərid Qayıbova minnətdarlığını çatdırıb.
Halis Yunus Ersöz, həmçinin, Azərbaycanın keçmiş gənclər və idman naziri mərhum Azad Rəhimovun xatirəsini yad edib.
O, Türkiyə Prezidenti Rəcəb Tayyib Ərdoğanın dəstəyi ilə V İslam Həmrəylik Oyunlarını uğurla keçirmək niyyətində olduqlarını bildirib: "Bunun üçün əlimizdən gələni edirik. 15-dən çox idman obyekti seçmişik. Hamısı hazır vəziyyətdədir. Burada 24 idman növü üzrə mübarizə gedəcək. 5 mindən çox idmançı və 8 mindən çox qonağı qəbul edəcəyik".
Nazir müavini sentyabrda başqa bir tədbirə ev sahibliyi edəcəklərini vurğulayıb: "Bursada Dünya Köçəri Oyunları keçiriləcək. Bütün qonaqları həmin yarışa dəvət edirəm. İnanıram ki, 2022-ci il bizim üçün idman ili kimi yadda qalacaq".
Azərbaycan Avtomobil Yolları Dövlət Agentliyi Bakı-Quba-Rusiya ilə dövlət sərhədi avtomobil yolunun 72-ci km-də yerüstü piyada keçidinin tikintisini yekunlaşdırmaq üzrədir.
“Bu ilin ilk rübündə ötən ilin ilk rübü ilə müqayisədə ümumi daxili məhsulun tərkibində qeyri-neft-qaz sektoru üzrə bir sıra sahələrdə yüksək artım templəri qeydə alınıb”.
Azərbaycan Respublikasının Prezidenti İlham Əliyev aprelin 16-da Hacıqabul rayonunda yenidən qurulacaq Şirvan suvarma kanalının təməlini qoyub və çıxış edib.
