Gənclər və İdman Nazirliyinin təşkilatçılığı ilə Respublika Uşaq İstirahət və Sağlamlıq Mərkəzində 22 rayondan olan 100-dən çox şəhid və qazi övladları, aztəminatlı və çoxuşaqlı ailələrin övladları, müsabiqə (intellektual, yaradıcı, idman, bilik) qalibləri üçün yay düşərgəsi keçirilib.
Nazirlikdən “Realpress.az”a verilən məlumata görə, yay düşərgəsi zamanı gənclərə asudə vaxtın səmərəli təşkili və dəyərləndirilməsi, sağlam həyat tərzi, ətraf mühitin mühafizəsi, insan hüquqları, liderlik keyfiyyətlərinin inkişafı mövzularında təlimlər, “İngilis dilini əylənərək öyrənirik”, rəsm üzrə ustad dərsləri, yoqa, hip-hop və “crop dance” məşğələləri olub.
Düşərgə müddətində iştirakçılar üçün maraqlı və əyləncəli oyunlar, intellektual oyunlar, komanda quruculuğu, şəbəkələşmə, müxtəlif yeni tanışlıqlar, idman oyunları, konsert proqramı və s. fəaliyyətlər təşkil edilib.
Düşərgənin sonuncu günü gənclərin biri-birindən rəngarəng və maraqlı çıxışlarından ibarət karnaval gecəsi keçirilib.
İştirakçılara düşərgə boyu təlimlərdə və məşğələlərdə fəal iştiraklarına görə diplomlar təqdim olunub.
Kişi həndbolçular arasında Azərbaycan çempionatının həlledici mərhələsində ilk oyunların təqvimi müəyyənləşib.
Kəlbəcərdə infrastruktur işləri görülür.
Qadınlar arasında idman gimnastikası üzrə Azərbaycan milli komandasının üzvü Nazənin Teymurova Dohada keçirilən Dünya Kubokunda tir üzərində hərəkətlər proqramında finala yüksəlib.
Azərbaycanın ekologiya və təbii sərvətlər naziri, COP29-un prezidenti Muxtar Babayev Vaşinqton şəhərində Beynəlxalq Valyuta Fondu (IMF) və Dünya Bankı Qrupunun keçirdiyi yaz toplantısı çərçivəsində İqlim Fəaliyyəti üzrə Maliyyə Nazirləri Koalisiyasının 11-ci iclası çərçivəsində ABŞ-nin keçmiş dövlət katibi Con Kerri ilə görüşüb.
