44 günlük Vətən müharibəsində düşmən üzərində qələbə qazanaraq, Azərbaycan xalqına qələbə sevinci yaşadan şəhidlərimizdən biri də Qax rayonunda doğulub boya-başa çatan Xüsusi Təyinatlı Qüvvələrin baş leytenantı Asəf Ağayevdir.
Şuşanın azadlığına qovuşması yaddaşlarımızda Asəfin videoları ilə qalmışdı. O, məğrur duruşu ilə bütün xalqın qəlbində taxt qurmuşdu. Torpaqlarımızın azadlığı uğrunda qəhrəmancasına döyüşən Asəf Zəfər paradında da iştirak edib.
Noyabrın 24-də isə Şuşada doğum günün qeyd edib.
“27 sonuncu yaşı oldu. Hətta orada bir söz işlədib. Tarixlərə düşəsi ad günü keçirirəm deyib”, - deyə şəhidin anası Gülnarə Ağayeva qeyd edib.
İndi şəhidimizin ata ocağının hər guşəsindən sanki ailənin yeganə oğul övladı, bir bacının tək qardaşı olan Asəfin xatirələri boylanır. Tək Ağayevlər ailəsi deyil, hər kəs onun dörd divar arasına sığmayan qəhrəmanlığından qürur duyur.
Qeyd edək ki, Asəf Ağayev iki hərbçi yoldaşı ilə dekabrın 17-də Xocavənddən Laçın istiqamətində hərəkətdə olarkən tank əleyhinə minaya düşərək şəhidlik zirvəsinə ucalıb.
Ölümündən sonra “Azərbaycan bayrağı” ordeni və daha 9 medalla təltif olunub.
Ətraflı Baku TV-nin süjetini təqdim edirik:
Bu gün Azərbaycan Dövlət Su Ehtiyatları Agentliyinin sədri Zaur Mikayılov Zaqatala Suvarma Sistemləri İdarəsinin inzibati binasında Zaqatal, Balakənvə digər rayonlardan olan vətəndaşları qəbul edib, onların müraciətlərini dinləyib, ərizə və şikayətlərinə baxıb.
Azərbaycan Respublikasının xarici işlər naziri Ceyhun Bayramov Fələstin Dövlətinin Baş naziri, eləcə də xarici işlər və xaricdə yaşayan fələstinlilər üzrə naziri Məhəmməd Mustafa ilə telefon danışığı aparıb.
Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim şimal-qərb küləyi əsəcək.
Müdafiə naziri general-polkovnik Zakir Həsənovun təsdiq etdiyi cari ilin hazırlıq planına əsasən, Hərbi Dəniz Qüvvələrinin (HDQ) Hərbi Hava Qüvvələri (HHQ) ilə birgə “Xəzər səması-2024” hava hücumundan müdafiənin təşkili mövzusunda taktiki təlimi keçirilib.