Ukraynada müharibə davam edir.
Baku TV-nin bu ölkədə olan əməkdaşı Mübariz Aslanov Ukraynadan son məlumatları çatdırıb.
O bildirib ki, ötən gecə Kiyev səması yenidən hava hücumuna məruz qalıb.
“Ümumilikdə 21 hava hücumu olub. Onlardan 3-ü raket, qalanları isə dron hücumudur”, - deyə jurnalist qeyd edib.
O da bildirilib ki, Donetsk istiqamətində separatçılar atəşi müvəqqəti olaraq dayandırıb. Buna səbəb kimi səfərbərliklə bağlı psixoloji problemlərin olduğu göstərilir.
Həmçinin qeyd edilib ki, Donetsk vilayətində azərbaycanlılara məxsus daha 40 ev və mülki obyekt demək olar ki, tamamilə dağıdılıb, 10-dan çox həmyerlimiz isə evsiz qalıb.
Naxçıvan Muxtar Respublikasında ilk milli hərbi hissənin yaradılmasının 31-ci ildönümü münasibətilə Əlahiddə Ümumqoşun Orduda silsilə tədbirlər keçirilib.
Ermənistan silahlı qüvvələrinə məxsus PUA-nın idarəetmə stansiyası məhv edilib.
İyunun 14-ü saat 10:00-dan etibarən Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən mövqelərini yenidən müxtəlif çaplı silahlardan intensiv atəşə tutub.
