Diasporla İş üzrə Dövlət Komitəsinin (DİDK) sədri Fuad Muradov Almaniya-Azərbaycan Radioloji və Neyroradioloji Cəmiyyətinin rəhbəri, Almaniya Azərbaycanlıları Alyansının İdarə Heyətinin sədri Nuran Abdullayevlə görüşüb.
Komitə sədri Almaniyadakı soydaşlarımızın yerli cəmiyyətə sıx inteqrasiyasını, Azərbaycan həqiqətlərinin təbliğ olunması istiqamətindəki fəallığını yüksək qiymətləndirib.
Alyansın sədri Azərbaycanın dövlət başçısının “Azərbaycan Respublikasında 2023-cü ilin “Heydər Əliyev İli” elan edilməsi haqqında” Sərəncamına əsasən Almaniyada həyata keçirilməsi nəzərdə tutulan tədbirlər planı barədə məlumat verib.
Fikir mübadiləsi zamanı Heydər Əliyevin 100 illiyi münasibətilə gələn il Almaniyada azərbaycanlı həkimlərin beynəlxalq forumunun keçirilməsi məqsədəuyğun hesab edilib.
Bundan başqa, “Heydər Əliyev İli” çərçivəsində yüksəkixtisaslı alman və azərbaycanlı həkimlərin müvafiq ixtisaslar üzrə qazi və şəhid ailələrinə pulsuz xidmət göstərəcəklərinə dair layihənin gerçəkləşdirilməsi təqdir olunub.
Komitə sədri Almaniya Azərbaycanlıları Alyansının bu layihələri həyata keçirməsi və digər əməkdaşlıq məsələləri ilə bağlı tövsiyələrini nəzərə çatdırıb.
Üzərinə həbs qoyulmuş əmlakın idarə edilməsi proseduru müəyyənləşib.
Azərbaycanın iqtisadiyyat naziri Mikayıl Cabbarov “Uğur yolu” karyera inkişafı proqramının yekun mərhələsinin açılışında iştirak edib.
Xəbər verildiyi kimi, Baş prokurorun rəhbərlik etdiyi nümayəndə heyətinin Çin Xalq Respublikasına işgüzar səfəri davam edib.