Azərbaycan ilə Fransa arasında təhsil sahəsində əməkdaşlıq əlaqələri müzakirə olunub - FOTO

Azərbaycan ilə Fransa arasında təhsil sahəsində əməkdaşlıq əlaqələri müzakirə olunub - FOTO
30 Mar 2023 09:36

Azərbaycanın elm və təhsil naziri Emin Əmrullayevin rəhbərlik etdiyi nümayəndə heyəti Fransada səfərdə olub.

AZƏRTAC xəbər verir ki, Strasburqa səfəri zamanı elm və təhsil naziri Emin Əmrullayev Strasburq Universitetinin rektoru Mişel Denekenlə görüşüb.

Görüşdə tərəflər elm və təhsil sahəsində əməkdaşlıq əlaqələrinin möhkəmləndirilməsi, elmi-tədqiqat və tələbə mübadiləsi sahəsində əməkdaşlığın inkişafı məsələlərini müzakirə ediblər. Həmçinin Azərbaycan-Fransız Universitetinin (UFAZ) 2024-2030-cu illər üzrə inkişaf perspektivləri barədə təqdimat keçirilib.

Azərbaycanın elm və təhsil naziri Paris şəhərində də bir sıra görüşlər keçirib. Nazir E. Əmrullayev Fransanın Milli Təhsil və Gənclər Nazirliyinin nəzdində fəaliyyət göstərən Fransa Beynəlxalq Təhsil Təşkilatının (France Education İnternational) baş direktoru Pyer-Fransua Murye (Pierre-François Mourier) ilə görüşüb.

Görüşdə Azərbaycan ilə Fransa arasında təhsil sahəsində mövcud əməkdaşlıq əlaqələri, ikitərəfli layihələrin genişləndirilməsi imkanları, fransız dilinin Azərbaycan məktəblərində geniş tədris olunma perspektivləri, peşə təhsili sahəsində əməkdaşlığın inkişafı məsələləri ətrafında fikir mübadiləsi aparılıb.

Səfər çərçivəsində nümayəndə heyəti Parisdə yerləşən Elm və Sənaye Şəhərciyini (La Cité des Sciences et de l'industrie) ziyarət edib, şəhərcikdə fəaliyyət göstərən muzeylə tanış olub, muzeyin beynəlxalq əlaqələr üzrə direktoru Sofi Bişeler-Fiokoni (Sophie Biecheler-Fiocconi) ilə görüş keçirib.

Azərbaycan Basketbol Federasiyasının (ABF) prezidenti qismində Emin Əmrullayevin Fransa Basketbol Federasiyasının prezidenti Jan-Pyer Siuta (Jean-Pierre Siutat) ilə görüşündə isə iki ölkə arasında basketbol üzrə təcrübə mübadiləsi və gələcək əməkdaşlıqla bağlı fikir mübadiləsi aparılıb.

 


29 Mar 2024
Siyasət

Paytaxtın hansı küçələrində sıxlıq var? - SİYAHI + FOTO

Bakının bəzi küçə və prospektində nəqliyyatın sıxlığı müşahidə olunur.

29 Mar 2024
Siyasət

Keçmiş məcburi köçkünlərin daha bir qrupu doğma Füzuli şəhərinə qayıdır - VİDEO

Prezident İlham Əliyevin tapşırığına uyğun olaraq, Füzuli şəhərinə növbəti köç karvanı yola salınıb.

29 Mar 2024
Siyasət

Azərbaycan və Ermənistan parlamentlərinin rəhbərləri may ayında görüşəcəklər - VİDEO

Azərbaycan və Ermənistan parlamentlərinin rəhbərləri Sahibə Qafarova və Alen Simonyan mayın ortalarında növbəti görüşlərini keçirəcəklər.

28 Mar 2024
Siyasət

CAR prezidenti İlham Əliyevi təbrik etdi

Cənubi Afrika Respublikasının (CAR) Prezidenti Matamela Siril Ramafoza Azərbaycan Respublikasının Prezidenti İlham Əliyevi təbrik edib.