Rusiya prezidenti Vladimir Putin Türkiyədə Akkuyu AES-də nüvə yanacağının yüklənməsi mərasimində iştirak edə bilər.
Bu barədə Türkiyə prezidenti Rəcəb Tayyib Ərdoğan bəyan edib.
Dövlət başçısı Akkuyu AES-in ilk enerji blokuna nüvə yanacağının aprelin 27-də yüklənəcəyini və bundan sonra obyektin rəsmi olaraq nüvə obyekti sayılacağını vurğulayıb.
“Akkuyu AES-in tikintisi layihəsi uğurla həyata keçirilir. Cənab Putinin aprelin 27-də keçiriləcək mərasim üçün (Türkiyəyə) gəlmə ehtimalı var. Ola bilsin ki, biz onlayn formatda orada birlikdə iştirak edək”, - deyə o bildirib.
Akkuyu - Türkiyədə tikilməkdə olan ilk atom elektrik stansiyasıdır. Layihə Rusiya Federasiyası ilə Türkiyə arasında 2010-cu il mayın 12-də bağlanmış hökumətlərarası əməkdaşlıq sazişi əsasında həyata keçirilir.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.