Beş yaşlı Mahir Səlimzadə qaraciyər çatışmazlığından əziyyət çəkir.
Oxu.Az-la əlaqə saxlayan Mahirin anası Hicran Məmmədova hazırda Beyləqanda yaşadıqlarını və müalicəni qarşılaya bilmədiklərini vurğulayıb.
O qeyd edib ki, Mahir bir müddət Bakıda müalicə alsa da, sonradan maddi sıxıntılar ucbatından rayona qayıdıblar:
“Yardımsevər insanların köməyi ilə oğlum bir neçə dəfə müalicə aldı. Onda yaşıdları kimi gülə, qaça, oynaya bilirdi. Daha sonra ona lazım olan dərmanları ala bilmədik deyə Mahirin vəziyyəti günü-gündən pisləşdi. Halsızlaşdı, burnundan tez-tez qan açılır. Pəncərədə durub həyətdə oynayan uşaqlara baxır, ağlayır. O, həm də epilepsiyadan əziyyət çəkir. Əvvəl müalicə alanda altını islatmırdı. Amma indi özündən asılı olmadan altını isladır. Mahir bundan çox utanır. Özünə qapanır. İzah etməyə çalışsam da, yaşı azdır, dərk etmir. Həkimlər xərçəngdən də şübhələniblər. Buna görə analizlər verib, cavabını gözləyirik. Övladımın biraylıq müalicəsi üçün 1 200 manata ehtiyacımız var. İmkanlı şəxslərdən bizə dəstək olmaları üçün xahiş edirəm”.
Ailə ilə əlaqə: (050) 624-89-96
Mərkəzçi “Demokratik Hərəkat” Partiyasının lideri Fransua Bayru Fransanın yeni Baş naziri təyin edilib.
Türkiyənin xarici işlər naziri Hakan Fidanla ABŞ Dövlət katibi Antoni Blinken arasında görüş başlayıb.
İsrail ordusunun Hərbi Hava Qüvvələrinə məxsus pilotsuz uçuş aparatının Livanın cənubundakı Əl-Xiyam yaşayış məntəqəsinə hücumu nəticəsində bir neçə nəfər yaralanıb.
