Milli Dirçəliş Gününə həsr olunmuş musiqi axşamı keçirilib - FOTO

Milli Dirçəliş Gününə həsr olunmuş musiqi axşamı keçirilib - FOTO
20 Noy 2023 15:05

Azərbaycan Respublikası Mədəniyyət Nazirliyi və Azərbaycan Dövlət Akademik Filarmoniyasının dəstəyi, “İRƏLİ” İctimai Birliyinin təşkilatçılığı və Azərbaycan Milli Konservatoriyasının tərəfdaşlığı ilə Milli Dirçəliş Gününə həsr olunmuş “Azərbaycan, yazın gəldi” adlı musiqi axşamı keçirilib.

Oxu.Az xəbər verir ki, Kamera və Orqan Musiqisi Zalında keçirilən tədbir ümummilli lider Heydər Əliyevin anadan olmasının 100-cü ildönümü və “Heydər Əliyev İli”nə həsr olunmuş tədbirlər proqramı çərçivəsində baş tutub.

Tədbirdə çıxış edən “İRƏLİ” İctimai Birliyinin əməkdaşı Riad Cəbrayılov xalqımızın milli-azadlıq hərəkatı tarixindən bəhs edərək, bu tarixdə Milli Dirçəliş Gününün əhəmiyyətinə toxunub. Qeyd olunub ki, ötən əsrin 80-ci illərində Azərbaycanın milli azadlıq hərəkatı dövlət müstəqilliyinin bərpasında olduqca mühüm rol oynayıb.

Azərbaycan öz müstəqilliyini bərpa etdikdən sonra olduqca böyük uğurlar əldə etdiyini bildirən Riad Cəbrayılov diqqətə çatdırıb ki, bu nailiyyətlərin məntiqi nəticəsi olaraq 44 günlük Vətən müharibəsində qazanılmış qələbə dövlətimizin gücü, xalqımızın birlik və həmrəyliyindən xəbər verir. 30 ildə Cənubi Qafqazın lider dövlətinə çevrilən Azərbaycan regionda prosesləri diktə edən tərəf olaraq, sülhün və sabitliyin əsas təminatçısıdır.

Daha sonra çıxış edən musiqişünas, bəstəkar Rüzgar Əhmədzadə “Şəms Qəmər” kamera xoru kollektivinin zəngin repertuarından bəhs edib. Vurğulanıb ki, 21-ci əsrdə görkəmli Azərbaycan bəstəkarlarının kütləvi janrlarda yaratmış olduqları əsərlərin, habelə yeni, gənc nəsil bəstəkarların əsərlərinin təqdimatı olduqca həssas və məsuliyyətli bir işdir. Bu işdə gənclərin üzərinə böyük vəzifələr düşür. Bu xüsusda, yaradıcı gənclərin birlikdə əmək sərf edərək belə tədbirlərin təşkili olduqca vacib və əhəmiyyətlidir.

Konsert proqramının davamında görkəmli Azərbaycan bəstəkarları Fikrət Əmirov, Rauf Hacıyev, Leonid Vaynşteyn və gənc bəstəkarlar Aysel Əzizova, Rüzgar Əhmədzadə, Röya Hüseynovanın müxtəlif əsərləri xalq mahnıları, həmçinin bədii kompozisiyalar təqdim olunub.

 


20 İyul 2024
Cəmiyyət

II və III qrupların imtahan nəticələri AÇIQLANDI

Dövlət İmtahan Mərkəzi II və III ixtisas qrupları (o cümlədən I ixtisas qrupu üzrə RK və Rİ altqruplarının hər ikisini seçənlər üçün informatika fənni) üzrə 7 iyul 2024-cü il tarixində keçirilmiş qəbul imtahanının nəticəsini elan edib.

15 İyul 2024
Cəmiyyət

Sabah ölkənin bəzi ərazilərində 40 dərəcəyədək isti olacaq

Ölkə ərazisində iyulun 16-da gözlənilən hava şəraiti açıqlanıb.

15 İyul 2024
Cəmiyyət

Bu gün Vətən müharibəsinin şəhidi Xudayar Yusifzadənin doğum günüdür

Bu gün Vətən müharibəsinin şəhidi, "Vətən yaxşıdır" mahnısı ilə könüllərdə taxt quran Xudayar Yusifzadənin doğum günüdür.

15 İyul 2024
Cəmiyyət

Bakının hansı küçələrində sıxlıq var? - 15.07.2024

Bakının bəzi küçə və prospektində nəqliyyatın sıxlığı müşahidə olunur.

12 İyul 2024
Cəmiyyət

Naxçıvanda velosiped yarışı keçirilib

Naxçıvan Muxtar Respublikasında 10 km məsafə üzrə velosiped yarışı keçirilib.