Azərbaycan Kikboksinq Federasiyasının (AKF) fəxri prezidenti, Suraxanı rayon İcra Hakimiyyətinin başçısı Adil Əliyev Macarıstanın paytaxtı Budapeştdə keçirilən gənclər və yeniyetmələr arasında dünya birinciliyində fərqlənən idmançılarla görüşüb.
AKF-dən "Report"a verilən məlumata görə, o, WAKO versiyası üzrə yarışda medal qazanmış kikboksçuları təbrik edib və onlara gələcək karyeralarında uğurlar arzulayıb.
Toplantıda AFK prezidenti Orxan Əliyev də iştirak edib. Qurum rəhbəri qazanılan uğurları yüksək qiymətləndirərək, qarşıdan gələn çempionat və birinciliklərdə idmançılara uğurlar arzu edib.
Qeyd edək ki, Azərbaycan təmsilçiləri 64 kikboksçu ilə qatıldığı Macarıstandakı turnirdə 5 qızıl, 8 gümüş və 23 bürünc mükafata sahib çıxıblar. 5 qızıl medalın 4-ü K1 versiyası üzrə əldə olunub.
Azərbaycan Voleybol Federasiyasının (AVF) rəhbərliyi, ölkəmizdə səfərdə olan Avropa Voleybol Konfederasiyasının (CEV) prezidenti Roko Sikiriç Fəxri xiyabanı ziyarət ediblər.
Azərbaycan parataekvondoçuları Çinin Taiyan şəhərində keçiriləcək "Prezident Kuboku" turnirində iştirak edəcəklər.
AFFA-nın icraçı vitse-prezidenti Sərxan Hacıyev UEFA bu gün Türkiyənin İstanbul şəhərində keçiriləcək tədbirinə qatılacaq.
